قازاقستاننىڭ ۇزدىك ءارتيسى انىقتالادى

استانا. قازاقپارات - رەسەيدىڭ نەگىزگى مادەني شارالارىنىڭ بىرىنەن سانالاتىن «مۋز- ت ۆ» سىيلىعىن تابىستاۋ ءراسىمى بيىل «استانا- ارەنا» ستاديونىندا وتەتىنى تۋرالى بۇعان دەيىن جازعانبىز.

«مۋز- ت ۆ» ارناسىنىڭ باسشىسى، كورشى ەلدىڭ شوۋ-بيزنەسىندە ءوزىن مويىنداتقان قازاق ارمان داۋلەتياروۆ بيىلعى سىيلىقتى تابىستاۋ سالتاناتىن اتاجۇرتتا وتكىزەتىن بولعاندىقتان، قازاق ەستراداسى وكىلدەرى ءۇشىن «قازاقستاننىڭ ۇزدىك جىل ءارتيسى» اتالىمى تاعايىندالاتىنىن ايتقان.

ال كەشە ورتالىق كوممۋنيكاتسيالار قىزمەتىندە وتكەن بريفينگتە اتالعان اتالىمعا ۇمىتكەر بەستىكتىڭ ەسىمدەرىن جاريالادى.

ولار -  «مۋزارت» توبى، جانار دۇعالوۆا، قايرات نۇرتاس، نۇرلان ابدۋللين جانە ءالي وقاپوۆ. دۇرىسى، «قازاقستاننىڭ ۇزدىك جىل ءارتيسى» اتالىمىنا اتالعان توپ پەن انشىلەردىڭ جانكۇيەرلەرى تالاسادى دەۋگە بولادى.

سەبەبى ۇزدىك ونەرپازدى بۇگىن باستالاتىن حالىقتىق داۋىس بەرۋ ناتيجەسى انىقتايدى.

«داۋىس بەرۋ الداعى ماۋسىم ايىنىڭ 5 نە دەيىن جالعاسادى. حالىقپەن بىرگە، ساراپشىلار دا داۋىس بەرەدى. ولار وسى بەستىك ىشىنەن جەڭىمپازدى تاڭدايدى. سىيلىق تاپسىرىلاتىن كۇنى اكادەميكتەر مەن كورەرمەندەر داۋىسى جيناقتالىپ، «قازاقستاننىڭ ۇزدىك جىل ءارتيسى» جاريا ەتىلەدى» دەدى ارمان داۋلەتياروۆ.

ونىڭ ايتۋىنشا، قازاقستان ءۇشىن «قازاقستاننىڭ مۋزىكا يندۋسترياسىن دامىتۋعا قوسقان ۇلەسى ءۇشىن» دەگەن تاعى اتالىم تاعايىندالىپ جاتىر ەكەن. ءبىراق بۇل اتالىم تۋرالى اقپاراتتى كەلەسى باسپا ءسوز ءماسليحاتىنىڭ ەنشىسىنە قالدىردى.

«مۋز- ت ۆ 2015. گراۆيتاتسيا» سىيلىعىن تابىستاۋ شاراسىن ەلىمىزدەگى 2 مىڭعا جۋىق مۇمكىندىگى شەكتەۋلى بالا مەن بالالار ۇيلەرىنىڭ تاربيەلەنۋشىلەرى، از قامتىلعان وتباسىلاردىڭ بالالارى تاماشالايدى. ولار ءۇشىن استانادا 4 ماۋسىم كۇنى 20 عا جۋىق ورتالىق اشىلادى.

وندا كۇنى بويى قازاقستاندىق جانە رەسەيلىك ەسترادا جۇلدىزدارى بالالارمەن سۋرەت سالىپ، ءتۇرلى ويىندارعا قاتىسادى، بىرگە ءان سالادى. بۇل بالالار كەلەسى كۇنى وتەتىن «مۋز- ت ۆ» سىيلىعىن تابىستاۋ راسىمىنە قاتىسادى. ال وسى بايقاۋدان ءوز وڭىرىندە جەڭىمپاز بولعان بالالار تىكەلەي ەفيردە وزدەرى ۇناتقان جۇلدىزدارمەن بىرگە قىزىل كىلەمنىڭ ۇستىمەن ءجۇرىپ وتەتىن بولادى» دەيدى ا. داۋلەتياروۆ.

«مۋز- ت ۆ» سىيلىعىن تاپسىرۋ شاراسىن كسەنيا سوبچاك، ماكسيم گالكين، لەرا كۋدرياۆتسيەۆامەن قاتار اندرەي مالاحوۆ جۇرگىزەدى. قازاقستان تاراپىنان ەكى جۇرگىزۋشى بار. ازىرگە ولاردىڭ كىم ەكەنى دە جۇمباق كۇيىندە قالدى، دۇرىسى ناقتىلانباعان سەكىلدى. ەسەسىنە شەتەلدەن كەلەتىن ەكى قوناق بەلگىلى بولىپ وتىر. ولار -  فرانسۋز ءانشىسى IMANY مەن قازىرگى پوپ- مۋزىكانىڭ حيتمەيكەرى ARASH.

الەمدىك دەڭگەيدە وتەتىن شوۋدى ۇيىمداستىرۋ جۇمىسىنا بۇگىندەرى مىڭعا تارتا ادام تارتىلىپتى. بيلەتتەر ساتىلىمعا شىعارىلعالى دا ءبىراز كۇن ءوتتى. سودان بەرى قۇنى 1-5 مىڭ تەڭگە ارالىعىندا تۇراتىن بيلەتتەردىڭ تەڭ جارتىسى ساتىلىپ كەتكەن.

حاليما بۇقار قىزى، استانا

«ايقىن»