ەڭ سىمباتتى ماتەماتيكا وقىتۋشىسى بۇرىنعى سۋپەرمودەل بولىپ شىقتى

استانا. قازاقپارات - بريتانياداعى University College London ۋنيۆەرسيتەتىندەگى ستۋدەنت بويجەتكەندەر ونى العاش كورگەندە اڭ- تاڭ قالىستى. سەبەبى ولارعا ماتەماتيكادان ساباق بەرەتىن 26 جاستاعى پەترو بوسەللي وتە سىمباتتى ءارى سوم قۇرىشتاي ءمۇسىندى بولىپ شىقتى.

سول ساتتەن باستاپ، ادەتتە ماتەماتيكانى وقۋدان قاشاتىن ستۋدەنت قىزدار بۇل عىلىممەن اجەپتاۋىر اينالىسۋدى باستاعان كورىنەدى. ارتىنشا ونىڭ ساباعىندا وتىرعان ستۋدەنتتەردىڭ ءبىرى ونىڭ ەسىمىن عالامتورداعى ىزدەگىشكە ءجاي جازا سالعان.

سويتسە، وقىتۋشىنىڭ Instagram پاراقشاسى شىعا كەلىپتى. ونى وقي كەلە، يتالياندىق جىگىت ءارى جاس عالىم پەترو بوسەللي بۇرىن سۋپەرمودەل بولعاندىعى انىقتالدى. سىمباتتى وقىتۋشى كەزىندە ءتىپتى ايگىلى دجوردجيو ءارمانيدىڭ قول استىندا جۇمىس ىستەپتى.

ءبىراق مودەل بولۋ ونىڭ ءىشىن پىستىرىپ، جىگىت ءبىلىمىن جالعاستىرىپ، ماشينا قۇرىلىسى سالاسىنان دوكتورلىق ديسسەرتاتسيا قورعاعان ەكەن.

باستاپقىدا وقىتۋشىنىڭ اسسيستەنتى بولىپ قىزمەت اتقارعان ول ەندى ناعىز وقىتۋشى بولىپ جۇمىس ىستەۋدە.

دايىنداعان: گ. ابيلوۆا

www.24.kz