پاۆلودار وبلىسىنىڭ باس رەداكتورلار كلۋبى جۋرناليستەر مەكتەبىن اشتى

پاۆلودار. قازاقپارات - پاۆلودار وبلىسىنىڭ باس رەداكتورلار كلۋبى س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىمەن بىرلەسىپ «جاس جۋرناليست مەكتەبى» ءبىلىم بەرۋ جوباسىن جۇزەگە اسىرۋعا كىرىستى.

«مەكتەپ ءبىلىم بەرۋ جوباسىنىڭ وقۋ-تاجىريبەلىك باعدارلاماسىنان تۇرادى. مۇندا باسپا، ەلەكتروندى جانە وزگە دە ب ا ق- تىڭ بەدەلدى جۋرناليستەرى ۇستازدىق ەتەدى»، - دەپ اتاپ ءوتتى كلۋب ءتوراعاسى مۇحيت وماروۆ.

وبلىستىڭ جەتەكشى جۋرناليستەرى ۋنيۆەرسيتەت بازاسىندا شەبەرلىك سىنىپتار، ترەنينگتەر، شىعارماشىلىق كەشتەر مەن تاجىريبەلىك وقۋلار ۇيىمداستىرادى.

جۋرناليستيكا كافەدراسىنىڭ مەڭگەرۋشىسى، تاريح عىلىمدارىنىڭ دوكتورى قىرىقباي الدابەرگەنوۆ كافەدرا تاراپىنان مەكتەپكە جان-جاقتى قولداۋ كورسەتىلەتىنىن جانە كۋرس اياقتالعان سوڭ تىڭداۋشىلاردىڭ بارلىعىنا سەرتيفيكاتتار ۇسىنىلاتىنىن ايتتى.