20:26, 06 - ءساۋىر 2015 | GMT +5
قىتايدا حيميالىق زاۋىت جارىلدى - كەسكىن
استانا. قازاقپارات - قىتايدا ۋلى حيميالىق زاتتار پايدالانىلاتىن زاۋىت جارىلدى، دەپ حابارلايدى Bnews.kz.
قىتايدىڭ فۋجياڭ پروۆينتسياسى جاڭجۋ قالاسىنداعى پاراكسيلول زاۋىتىندا جارىلىس بولدى. جەرگىلىكتى باسىلىمداردىڭ حابارلاۋىنشا، بۇل ءوندىرىس ورنىندا تالشىق پەن پلاستماسسا شىعارىلادى.
جارىلىس كەزىندە زاۋىتقا جاقىن ورنالاسقان عيماراتتاردىڭ شاتىرلارى كوككە ۇشقان. بۇل سوڭعى ەكى جىل ىشىندە قىتايدا بولعان ەكىنشى وقيعا. قازىر اپات بولعان ورىندا 80 ءورت ءسوندىرۋ كولىگى مەن 430 قۇتقارۋشى جۇمىس ىستەپ جاتىر. جارالانعاندار تۋرالى اقپارات ازىرگە جوق.
