يەمەننەن تاعى ءبىر قازاقستاندىق قىز رەسەيگە جەتكىزىلدى
«بۇگىن، استانا ۋاقىتى بويىنشا 13 ساعاتتا قازاقستان ازاماتشاسى ساحانوۆا گۇلميرا يەمەننەن رەسەي فەدەراتسياسىنا جەتكىزىلگەنىن حابارلايمىز. ر ف- تەگى قازاقستان رەسپۋبليكاسىنىڭ كونسۋلى جاعدايدى بىلەدى جانە ونىڭ كەلۋىن كۇتۋدە. قازىرگى ۋاقىتتا يەمەندەگى ءبىزدىڭ ازاماتتارىمىزدان باسقا وتىنىشتەر بولعان جوق»، - دەلىنگەن حابارلامادا.
بۇنىڭ الدىندا، سەنبى كۇنى رەسەيلىك ۇشاقپەن يەمەننەن ماسكەۋگە بىرنەشە قازاقستاندىق ەۆاكۋاتسيالانعانى حابارلانعان بولاتىن.
ەسكە سالا كەتەيىك، يەمەن ەلىندە قازىرگى تاڭدا قارۋلى قاقتىعىستار ورىن الۋدا. ساۋد ارابياسىنىڭ جەتەكشىلىگمەن قۇرىلعان كواليتسيا اسكەري اۆياتسياسى يەمەن استاناسى سانا قالاسىن بومبالاۋدى قايتا باستادى. سانانى جاۋلاپ العان كوتەرىلىسشى حۋسيتتەرگە قارسى اسكەري ءىس-قيمىلدار 11 كۇن بۇرىن باستالعان.
رەسەي فەدەراتسياسى مەن قىزىل كرەست حالىقارالىق ۇيىمىنىڭ قالاعا مەديتسينالىق ءدارى-دارمەك پەن گۋمانيتارلىق كومەك جەتكىزۋ، سونداي-اق بەيبىت ازاماتتاردى قاۋىپسىز جەرگە كوشىرۋگە مۇمكىندىك بەرۋ تۋرالى ۇندەۋىنە قاراماستان اۋەدەن سوققى بەرۋ توقتاتىلعان جوق.
اۆتور: جاسۇلان جولدىبايەۆ
