ايداي يسايەۆا كىمگە تۇرمىسقا شىعاتىنى بەلگىلى بولدى
بۇل تۋرالى Comode.kz-كە سىلتەمە جاساپ NUR. KZ حابارلايدى.
25 جاستاعى ارۋدىڭ بولاشاق جارى كونسالتينگتىك كومپانيانىڭ ديرەكتورى ءارى قايىرىمدىلىق قورىنىڭ پرەزيدەنتى بولىپ قىزمەت اتقارادى.
ايداي بولاشاق جارىمەن مەيرامحانالاردىڭ بىرىندە تانىسقان ەكەن. ول قۇربىلارىمەن بىرگە سىناقتى ءساتتى تاپسىرۋىن تويلاعان. ال قازاقستانداعى ەڭ ادەمى قىز بولىپ تانىلعان ايدايدىڭ كوڭىل جاراستىرعان جىگىتى ماقسات سول كەشتە كورشى ستولدا وتىرىپتى.
ەكى جاس 3 جىل بويى كەزدەسىپ، جاقىن كۇندەرى شاڭىراق كوتەرگەلى جاتىر. نەكە قيۋ ءراسىمى «باقشا ساراي» سالتانات سارايىندا وتەدى.
تويعا ەكى جاستىڭ ەڭ جاقىن دوستارى مەن تۋىستارى، سونىمەن قاتار، ايدايدىڭ «الەم ارۋى» بايقاۋىندا جاقسى ارالاسقان قۇربىلارى شاقىرىلماق.
ايداي وتباسىن قۇرعان سوڭ دا دارىگەرلىك قىزمەتى مەن شوۋ-بيزنەستى قاتار الىپ جۇرمەكشى.
