قازاقستاندىق اسكەريلەر ناتو-نىڭ شتاب-پاتەرىنە بارادى

استانا. قازاقپارات - قازاقستاندىق اسكەري قىزمەتشىلەر بريۋسسەل قالاسىنداعى ناتو-نىڭ شتاب-پاتەرىنە بارىپ قايتپاق. الداعى ساپاردىڭ ماقساتى «بولجاۋ جاساۋ جانە تالداۋ ۇدەرىسى» باعدارلاماسى اياسىندا ەلىمىزدەگى الداعى ءىس-قيمىل بارىسىن تالقىلايتىن بولادى. بۇل تۋرالى قورعانىس مينيسترلىگىنىڭ باسپا ءسوز قىزمەتىنەن حابارلاندى.

«جۋىردا استانادا ناتو مەن ق ر قورعانىس مينيسترلىگى، باس شتابى جانە ق ر قارۋلى كۇشتەرىنىڭ قۇرىلىمدىق بولىمشەلەرى وكىلدەرىنىڭ اراسىنداعى كەلىسسوزدەر اياقتالدى. اتالعان باعدارلاما اياسىنداعى قازاقستاننىڭ قورعانىس ۆەدوستۆالارى وتكىزگەن بارلىق جۇمىستى زەرتتەي وتىرىپ ناتو ماماندارى «قازبريگتىڭ» بىتىمگەرلىك دايارلىعىنىڭ، سونداي-اق ق ر قارۋلى كۇشتەرى قۇرلىق اسكەرلەرى اسكەري ينستيتۋتىنىڭ «بەيبىتشىلىك ءۇشىن سەرىكتەستىك» وقۋ ورتالىعىنىڭ اسكەري قىزمەتشىلەر مەن ەل سەرىكتەستەرىمەن ۇدايى وتكىزەتىن تىلدىك جانە بىتىمگەرلىك دايارلىعىنىڭ دۇرىس ەكىنىن اتاپ ءوتتى»، - دەلىنگەن باسپا ءسوز بايانىندا.

ايتا كەتەرلىگى، قازاقستان 2002-جىلدان بەرى «بولجام جاساۋ جانە تالداۋ ۇدەرىسى» باعدارلاماسىنا قاتىسىپ كەلەدى. باعدارلاما حالىقارالىق دەڭگەيدەگى جاتتىعۋلار، وقۋ-جاتتىعۋلار مەن وپەراتسيالاردى، سونىمەن قاتار بەيبىتشىلىكتى قولداۋ بويىنشا وپەراتسيالار وتكىزۋ ءۇشىن جەكە مەملەكەتتەردە بار كۇشتەر مەن قۇرالداردى باعالاۋعا باعىتتالدى.

ق ر قورعانىس مينيسترلىگى ءۇشىن باعدارلاماعا 33 ماقسات بەلگىلەندى. سولاردىڭ ىشىندە ناتو ستاندارتى بويىنشا بىتىمگەرلىك كونتينگەنتىن دايارلاۋ جانە جابدىقتاۋ، اسكەري قىزمەتشىلەردىڭ تىلدىك دايارلىعى، شتابتىق وفيتسەرلەردى وقىتۋ، قالالىق جاي-كۇيلەرگە جالپى اسكەري وپەراتسيالاردى ەنگىزۋ، داعدارىس وقيعالارىنىڭ اسەر ەتۋ ماسەلەلەرى جانە تاعى باسقالارى بار. 

اۆتور: قانات مامەتقازى ۇلى