دەنيس تەن الداعى جوسپارىمەن بولىسەدى

استانا. قازاقپارات - ەرتەڭ مانەرلەپ سىرعاناۋشى، «استانا» پرەزيدەنتتىك كلۋبىنىڭ مۇشەسى دەنيس تەننىڭ قاتىسۋمەن باسپا ءسوز ءماسليحاتى وتەدى. شارا بارىسىندا سپورتشى سوڭعى جارىستارداعى جەتىستىكتەرىمەن قاتار بولاشاقتاعى جوسپارى جايىندا دا كەڭىنەن ءسوز قوزعايتىن بولادى.

ايتا كەتەيىك، 21 جاستاعى قازاقستاندىق سپورتشى 2014/2015-جىلعى ماۋسىمدا ISU (حالىقارالىق كونكيمەن سىرعاناۋشىلار وداعى) جارىستارىندا 4 مارتە جۇلدەگەر اتانعان ەدى. اتاپ ايتقاندا، اعىمداعى جىلى 9-15- اقپان كۇندەرى سەۋلدە وتكەن 4 قۇرلىق چەمپيوناتىندا التىن، 2015-جىلدىڭ 23-29- ناۋرىزىندا شاڭحايدا وتكەن الەم چەمپيوناتىندا قولا، 2014-جىلدىڭ 21-23- قاراشاسىندا بوردودا وتكەن Trophée Eric Bombard جارىسىندا قولا، وتكەن جىلدىڭ 4-7- جەلتوقسانىندا زاگرەبتە وتكەن «زولوتوي كونەك» جارىسىندا التىن مەدال ەنشىلەدى.

اۆتور: مارلان جيەمباي