شىمكەنتتىكتەر نە سەبەپتى ەرەكشە سانالادى؟
بۇعان باسقا وبلىس تۇرعىندارىمەن قوسا، شىمكەتتىكتەردىڭ وزدەرى دە كەلىسۋدە.
ولار نەسىمەن وزگەلەرگە ۇقسامايتىنىن "كاراۆان" باسىلىمىڭ تىلشىلەرى انىقتاۋعا تىرىسقان.
بارلىق شىمكەنتتىكتەر ولاردىڭ قالاسى ءتىپتى الەمدىك دەڭگەيدە تانىمال ەكەنىنە سەنىمدى.
شىمكەنتتىكتەر ءۇشىن جوعارعى وقۋ ورنىنىڭ ديپلومى ەرەكشە ورىن الادى. وقىعان سالاسى بويىنشا اسقان مامان بولماسا دا، ديپلوم «قالتادا» بولۋى كەرەك. شىمكەنتتىكتەر ءۇشىن ەڭ باستى مۇعالىم - ءومىر.
تانىمال شىمكەنتتىك جۇرگىزۋشىلەر... ولار ەلىمىزدە اڭىزعا اينالدى. كولىكتى جامان ايدايدى دەۋدەن اۋلاقپىز، دەسە دە جول ەرەجەلەرىن ساقتاماۋدان الدىڭعى قاتارعا شىققان.
شىمكەنت قىلمىس دەڭگەيىمەن دە تانىمال. الايدا ءدال قازىر ولار ءۇشىن بيزنەس اشىپ، مەملەكەتتىك قىزمەتتە مانساپ قۇرۋ قىلمىستىق الەمدەگى بەدەلدەن ماڭىزدىراق بولىپ شىقتى.
وڭتۇستىك تۋمالارى - وتە تاربيەلى ادامدار. جاستار قوعامدىق كولىكتە قاشاندا ۇلكەندەرگە ورىن بەرەدى. ال كولىككە وتىرعاندا جۇرگىزۋشىلەردىڭ تاربيەسى قايدا عايىپ بولاتىنى بولەك اڭگىمە...
شىمكەنتتىكتەر دەنساۋلىققا ەرەكشە ءمان بەرەدى. ولار توپ-توپ بولىپ شەيپينگكە نەمەسە جاتتىعۋ ورتالىقتارىنا بارعاندى، سپورتزالداعى قىزىقتارىمەن جۇمىستا بولىسكەندى ۇناتادى. ال كەشكىسىن كافەلەردە سىرا ىشۋگە جينالادى.
بارلىق شىمكەنتتىكتەر وزدەرىن ەڭبەكقور سانايدى. ولار وزدەرىنەن باسقالار جۇمىس ىستەمەي، ءبارى سولاردىڭ كۇشىمەن العا باسۋدا دەپ سەنەدى.
شىمكەنتتىكتەر ءوز بالالارىن استانادا نە الماتىدا ورنىقتىرۋعا بار كۇشىن سالادى. كولىك، پاتەر الىپ، جاقسى قىزمەتكە ورنالاستىرعاننان كەيىن، تۋىستارىنا سونىسىمەن ماقتانعاندى ۇناتادى.
و ق و - ەلدى قىزاناقپەن قامتاماسىز ەتەتىن بىردەن- ءبىر ايماق. الايدا جەرگىلىكتى دۇكەن سورەلەرىندە كوبىنە وزبەك توماتتارى تۇرادى. ءوز ءونىمىن يمپورتپەن الماستىرىپ، «ەلدە وتاندىق ونىمگە سۇرانىس جوق» دەپ شۋلاۋ - وڭتۇستىك تۋامالارىنا ءتان بەلگى.
دەرەككوز: NUR. KZ
