قازالىدا جاستار پارلامەنتى قۇرىلدى

قىزىلوردا. قازاقپارات - جاستاردىڭ قوعامدىق ومىرگە ارالاسۋىن «جاستاردى قولداۋ ورتالىعى» قازالى اۋداندىق ءبولىمى جاستار پارلامەنتى ارقىلى جۇزەگە اسىرماقشى.

بۇل تۋرالى اۋداندىق اكىمدىكتىڭ باسپا ءسوز قىزمەتى حابارلادى.

اۋداندىق جاستار ۇيىندە جاستار پارلامەنتى دەپۋتاتتىعىنا ۇمىتكەر كانديداتتاردى قابىلداۋ وتىرىسى بولىپ ءوتتى. جاستار پارلامەنتىنە كانديتات رەتىندە ءبىلىم بەرۋ ورىندارى، دەنساۋلىق سالاسىنىڭ ماماندارى، اۋىلدىق وكرۋگ جاستارى، جاس كاسىپكەرلەر مەن ەرىكتى جاستاردىڭ اراسىنان بارلىعى 42 جاس قاتىستىرىلدى.

سايلاۋ كوميسسياسىنىڭ قۇرامىنا اۋداندىق ءماسليحاتتان، اۋداندىق ءبىلىم بولىمىنەن، اۋداندىق ىشكى ساياسات ءبولىمى، دەنساۋلىق سالاسىنىڭ وكىلدەرىنەن ارنايى ماماندارى ەنگىزىلىپ، قابىلداۋ بارىسىندا كانديداتتارعا ەلباسىنىڭ باعدارلامالارى مەن قابىلدانعان زاڭدار تۋراسىندا، سونىمەن بىرگە شىعارماشىلىق باعىتتا سۇراقتار قويىلدى. كوميسسيا مۇشەلەرىنىڭ شەشىمىمەن جاستار پارلامەنتىنىڭ دەپۋتاتى بولىپ 21 جاس مامان تاعايىندالدى.

اۆتور: ەلۋباي اۋەزوۆ