قازاقستاندىق تايلاندتا ءبىر بالانى قولتىراۋىننان قۇتقارىپ الدى

وقيعا پحۋكەت ارالىنداعى حايۋاناتتار باعىندا دەمالىس كۇندەرى بولدى - مۇندا قولتىراۋىندار شوۋى ۇيىمداستىرىلدى.
ۆياچەسلاۆ پوپوۆتىڭ ايتۋىنشا، ول ستاديونعا كىرەر جەردە تۇرعان، ءدال سول ورىندا شارا ءوتىپ جاتقان ەدى. «ءبارى قاس پەن كوزدىڭ اراسىندا بولدى. مەن تۇرعان كىرە بەرىس جەردە قورشاۋ وزگە جەرلەرگە قاراعاندا الاسا ەكەن. بەلدەن ءسال جوعارى»، - دەيدى قازاقستاندىق.
- ال وڭ جاعىندا گۇل باعى بولدى، ول دا اكۆاريۋممەن شەكتەسىپ تۇر. مەنىڭ جانىمنان ءبىر بالا جۇگىرىپ ءوتتى دە كلۋمباعا شىعىپ، قورشاۋعا ءمىنىپ الدى. ول قورشاۋدىڭ ارعى بەتىنە قۇلاپ ءتۇستى».
قازاقستاندىق بارلىق زاتتارى مەن ۇيالى تەلەفونىن تاستاي سالىپ، بالانى قۇتقارۋعا اسىقتى. بالانىڭ قۇلاپ بارا جاتقانىن كورگەن پوپوۆ ونىڭ جەيدەسىنەن ۇستاپ قالماقشى بولادى، ءبىراق بالا سوندا دا قۇلاپ كەتەدى.
«سول كەزدە مەن ونىڭ اياعىنان ۇستاپ الىپ، كەرى قاراي تارتىپ، قولىنان ۇستاي الدىم. ءدال قۇلاعان جەرىندە 2-2,5 مەتر بولاتىن بىرنەشە قولتىراۋىن جاتتى»، - دەيدى پوپوۆ.
- وقيعا ورنىنا ونىڭ اتاسى جۇگىرىپ كەلدى، ول ابدىراعان كۇيى نەمەرەسىن مەنىڭ قولىمنان تارتىپ الدى دا كەۋدەسىنە باستى. العىسىن ايتىپ، راقمەتىن قالاي جەتكىزسە بولاتىنىن سۇراپ جاتتى. ءبىراق مەن بالاعا ءجىتى قاراۋ كەرەك ەكەنىن ايتتىم. ءبىز تانىسىپ، سۋرەتكە تۇستىك. بالا 5 جاستا، تايلاندقا حانتىمانسييسكتەن كەلىپتى»، - دەدى قازاقستاندىق.
پوپوۆ قايسى ءبىر ازامات بولسا دا مۇنداي جاعدايدا وسىنداي ارەكەتكە باراتىنىن اتاپ ءوتتى. «مۇندا مەن ەشقانداي قاھارماندىق ءىس كورىپ تۇرعان جوقپىن. مەن قاجەت كەزدە قاجەت جەردە تابىلدىم. جانە سپورتتىق دايىندىعىم، ارينە، دەرەۋ قيمىلداپ، 25 كەلى بولاتىن بالانى تارتىپ الا قويدىم»، - دەدى ول.