عالىمدار: تاڭەرتەڭ اش قارىنعا سۋ ءىشۋ كوپتەگەن اۋرۋلاردىڭ الدىن الادى

استانا. قازاقپارات - ۇزاق ءومىر سۇرۋىمەن ايگىلى جاپوندىقتار ءار كۇنىن ويانعان سوڭ اش قارىنعا ءبىر ستاقان سۋ ىشۋدەن باستايدى.

كوپتەگەن زەرتتەۋلەر اش قارىنعا ىشىلگەن سۋ اعزاداعى مەتابوليزم پروتسەستەرىن ىسكە قوسىپ، اعزانى نىعايتىپ قانا قويماي، كوپتەگەن سوزىلمالى اۋرۋلاردى ەمدەۋگە كومەكتەسەتىنىن راستادى، دەپ حابارلايدى Golbis.

ادام اعزاسىنىڭ 65 پايىزى سۋدان تۇرادى. عالىمدار اش قارىنعا ىشىلگەن قوس ستاقان سۋدىڭ ءوزى اعزامىزعا وڭ اسەرىن تيگىزە الاتىنىن ايتادى.

الايدا زەرتتەۋلەرگە سايكەس، جالپى ادام دەنساۋلىعىن جاقسارتۋ اسەرىنەن باسقا، سۋدىڭ اعزاعا تيگىزەتىن ەمدىك قاسيەتتەرى دە بار. اش قارىنعا ىشىلگەن سۋ باس اۋرۋى، دەنەنىڭ اۋىرۋى، تاحيكارديا، ەپيلەپسيا، قانداعى حولەستەرين دەڭگەيىنىڭ كوتەرىلۋى، برونحيت، دەمىكپە، تۋبەركۋلەز، مەنينگيت، بۇيرەك پەن نەسەپ شىعارۋ جولدارىنىڭ اۋرۋلارى، گاستريت، ديارەيا، گەمورروي، ديابەت، ءىش قاتۋ، كوز اۋرۋلارىن ەمدەۋگە كومەكتەسەدى.