وسكەمەن تۇرعىندارى ەلەكتر قۋاتىنىڭ كورسەتكىشىن «قولدان» ازايتىپ جاتىر
پورتالدىڭ مالىمەتىنشە، كومپانيا تۇرعىنداردىڭ ەلەكتر قۋاتىن ولشەيتىن اسپاپتارعا قوسىمشا قۇرىلعىلاردى ورناتاتىنىن ۇنەمى بايقايتىن بولعان. تۇرعىندار سول قوسىمشا قۇرىلعىلاردىڭ كومەگىمەن ەلەكتر قۋاتىنىڭ كورسەتكىشىن ازايتىپ، اقشا ۇنەمدەۋگە تىرىسادى.
ايتا كەتەيىك، جاقىندا رەسپۋبليكالىق ب ا ق-تا پاۆلودار تۇرعىنىنىڭ اقشا ۇنەمدەۋ ماقساتىندا ولشەگىش اسپاپتى «قايتا اينالدىرماق» بولىپ، قولعا تۇسكەنى تۋرالى اقپارات جاريالاندى.
ەندى ول وسى قىلىعى ءۇشىن ەنەرگەتيكالىق كومپانياعا 1 ميلليون تەڭگەدەن استام قارجى تولەيدى.
«شىعىس قازاقستاندىقتار «ۇنەمشىلدىك» جاعىنان وزگە ءوڭىردىڭ تۇرعىندارىنان قالىسار ەمەس. كومپانياداعىلار ەلەكتر قۋاتىن ولشەگىش اسپاپتى توقتاتاتىن قۇرىلعىنىڭ بىرنەشە رەت تابىلعانىن ايتتى. ونداي قۇرىلعىلار ادەتتە مايداگەرلىك وندىرىستە وندىرىلەدى، دەگەنمەن زاماناۋي قولايلىلىق سىرت قالماعان. مامانداردىڭ مالىمەتىنشە، كەيبىر قۇرىلعىلاردا ءتىپتى قاشىقتان باسقاراتىن پۋلت بولىپتى»، - دەلىنگەن جاريالانىمدا.
الايدا، تاجىريبەلى باقىلاۋشىلار مۇنداي قۋلىقتى ءبىر كورگەننەن-اق بايقاپ قويادى. ەگەر كورسەتكىش كۇماندى بولسا، ماماندار ولشەگىش اسپاپتىڭ كورسەتكىشىن سالىستىرۋ ءۇشىن جارىقتىڭ قۋاتىن ولشەيدى. قوسىمشا قۇرال ورناتىپ، ەلەكتر قۋاتىنىڭ اقىسىن ازايتقىسى كەلگەندەر انىقتالعان جاعدايدا اكت تولتىرىلىپ، جاڭادان ەسەپتەۋ جۇرگىزىلەدى.
مىسالى، وسىدان بىرنەشە جىل بۇرىن اقشاسىن ۇنەمدەگىسى كەلىپ، رۇقسات ەتىلمەگەن قۇرىلعىنى ورناتقان وبلىس ورتالىعىنىڭ تۇرعىنى 1,2 ميلليون تەڭگە تولەۋگە مىندەتتەلگەن بولاتىن.
