08:42, 06 - ءساۋىر 2015 | GMT +5
حالىقارالىق فۋتبول فەدەراتسياسى يزرايلدى حالىقارالىق جارىستاردان شەتتەتۋى مۇمكىن
استانا. قازاقپارات - حالىقارالىق فۋتبول فەدەراتسياسىنىڭ (ف ي ف ا) پرەزيدەنتى يوزەف بلاتتەر پالەستينا فۋتبول قاۋىمداستىعىنىڭ باسشىسى دجيبريل رادجۋبپەن كەزدەسىپ، سونىڭ بارىسىندا يزرايلعا نارازىلىقتاردى قاراستىرادى، دەپ حابارلايدى France-Presse.
پالەستينالىقتار يزرايل فۋتبول قاۋىمداستىعىن حالىقارالىق جارىستاردان شەتتەتۋدى تالاپ ەتىپ، ونى ولاردىڭ «ارابتارعا قاتىستى ءناسىلشىل ارەكەتتەرىمەن» تۇسىندىرەدى.
حابارلانعانداي، رادجۋب پەن بلاتتەر يزرايلدى جارىسقا قاتىسۋ قۇقىعىنان ايىرۋ ماسەلەسىن تالقىلاعان جانە سول كەزدە فيفا پرەزيدەنتى فەدەراتسيانىڭ ىشىندە بولۋى مۇمكىن رەزوليۋتسيانى تالقىلاۋ جۇرگىزىلىپ وتىرعانىنا سەندىردى. سوڭعى شەشىم اعىمداعى جىلدىڭ مامىر ايىندا وتەتىن ف ي ف ا كونگرەسىندە شىعارىلادى.
يزرايل فۋتبول قاۋىمداستىعىن جارىسقا قاتىسۋ قۇقىعىنان ايىرۋ ءۇشىن كونگرەستىڭ 209 مۇشەسىنىڭ 156 سىنىڭ قولداۋىن الۋ جەتكىلىكتى.
