08:13, 06 - ءساۋىر 2015 | GMT +5
ورىس راديوسى گيننەس رەكوردىن ورناتتى
استانا. قازاقپارات - رەسەيلىك «ورىس راديوسىنىڭ» راديوەفير كومانداسى گيننەس رەكوردىن ورناتتى. «رۋسسكيە پەرسى» باعدارلاماسىنىڭ ءۇش جۇرگىزۋشىسى ەفيردە 60 ساعات بويى ۇيىقتاماستان، ءۇزىلىسسىز حابار جۇرگىزگەن، دەپ حابارلادى لەنتا. ر ۋ.
راديومارافوندى باقىلاعان گيننەس كىتابىنىڭ وكىلى رەكوردتى تىركەپ، راديوستانسا كومانداسىنا ءتيىستى سەرتيفيكات بەردى. بۇل تۋرالى «رۋسسكايا مەدياگرۋپپا» باسپا ءسوز قىزمەتىنىڭ وكىلى اننا تۋرچەنكوۆا ءمالىم ەتكەن.
1 - ءساۋىر كۇنىتاڭعى ساعات 7 دە باستالعان حابار 3 - ءساۋىر كۇنى ماسكەۋ ۋاقىتىمەن ساعات 19:00 دا اياقتالعان. ونى ۆاديم ۆورونوۆ، اليسا سەلەزنيەۆا جانە دميتري ولەنين جۇرگىزگەن.
مارافون كەزىندە ستۋديادا فيليپپ كيركوروۆ، ۆالەريا مەن يوسيف پريگوجين، يگور ماتۆيەنكو، اناستاسيا ۆولوچكوۆا، اندرەي مالاحوۆ، ۆالەري مەلادزە جانە باسقا دا اتاقتى ادامدار بولعان.
بيىلعى مارافون «ورىس راديوسىنىڭ» 20 جىلدىق مەرەيتويىنا ورايلاستىرىلعان. راديوستانسا العاش رەت 1995 -جىلى 2 - تامىزدا ەفيرگە شىققان بولاتىن.
