الەمنىڭ ەڭ قورقىنىشتى ادامى ومىردەن ءوتتى

استانا. قازاقپارات - ۇلى بريتانيا تۇرعىنى ەنن ۆۋدس 67 جاسقا كەلىپ، ومىردەن ءوتتى.

ول «الەمنىڭ ەڭ قورقىنىشتى ايەلى» دەگەن اتپەن 28 رەت ماراپاتتالعان.

 ايتا كەتەيىك، ول «World Gurning Championship»  جارىسىنا جىل سايىن قاتىستى.

ونىڭ اتاعى تەك قانا  ۇلى بريتانيادا ەمەس، باسقا ەلدەرگە دە كەڭىنەن جايىلدى. ول العاش «ەڭ ۇسقىنسىز ايەل» دەگەن اتاقتى 1977 -جىلى الدى. 2-ورىندى بۇكىل ومىرىندە تەك 5 رەت الىپ، سوڭعى جەڭىسىن 2010 -جىلى تويلاعان.

ايگىلى «قىشقىل الما جارمەڭكەسىنىڭ» ۆيتسە-ءتوراعاسى كاللۋم سكوتت ءوزىنىڭ كوڭىلىن ايتتى. ول: «بەت- اۋزىن تىجىرايتۋدان وتەتىن سايىس ەندى ەشقاشان ەنن ۆۋدستىڭ كەزىندەگىدەي بولمايدى»، - دەدى.

قالادا ونى بارلىعى جاقسى كوردى. ويتكەنى ول وسى مەرەكەلىك كەشكە بارىن سالىپ دايىندالاتىن بولعان. سونىمەن قاتار ەندىگى كەش ەنن ۆۋدستىڭ قۇرمەتىنە ارنالاتىن بولادى، دەپ جازادى ماسساگەت پورتالى.