16:35, 05 - ءساۋىر 2015 | GMT +5
فاشيستىك گەرمانيا ساربازدارىن بەينەلەيتىن ويىنشىقتارعا تىيىم سالىندى
استانا. قازاقپارات - ماسكەۋ ءتارتىپ ساقشىلارى مەگاپوليستەگى ساۋدا ورىندارىنان 2- دۇنيەجۇزىلىك سوعىس كەزىندەگى ناتسيستىك گەرمانيا كيىمىن كيدىرگەن ويىنشىق ساربازداردى تاركىلەپ جاتىر،
دەپ حابارلادى رەسەي تەرگەۋ كوميتەتىنىڭ وكىلى يۋليا يۆانوۆا.
«قازىرگى كەزدە اتالعان ءونىمدى الۋعا باعىتتالعان شارالار قابىلدانىپ، ولارعا ۇقساس تاۋارلاردىڭ ورنالاسۋىن انىقتاۋ جۇمىستارى جۇرگىزىلىپ جاتىر»، دەلىنگەن ينتەرفاكس اگەنتتىگىنە بەرگەن اقپاراتىندا ۆەدومستۆو وكىلى.
س ك ر- دىڭ مالىمەتتەرىنشە، تەرگەۋشىلەر سونداي- اق ساتۋشىلاردى سۇراستىرىپ، ىزدەۋ سالعان. بۇعان دەيىن ر ت ك ماسكەۋ بويىنشا باسقارماسىنىڭ لۋبيانكاداعى «ورتالىق بالالار دۇكەنى» ساۋدا ورتالىعىندا (بۇرىنعى «بالالار الەمى») ناتسيستىك سيمۆوليكاسى بار ويىنشىق ساربازداردى ساتۋ فاكتىسى بويىنشا قىلمىستىق ءىس قوزعالعان.
جۇما كۇنى «روسسيا-1» تەلەارناسىنان ناۋرىز ايىنىڭ سوڭىندا اشىلعان ساۋدا ورتالىعىندا ناتسيستىك سيمۆوليكاسى بار سارباز ويىنشىقتاردىڭ ساتىلىپ جاتقانى تۋرالى سيۋجەت كورسەتىلگەن.
