فرانسيادا تىم ارىق مودەلدەر جۇمىستان ايىرىلاتىن بولدى

استانا. قازاقپارات - فرانسۋز پارلامەنتىنىڭ تومەنگى پالاتاسىنىڭ دەپۋتاتتارى تىم ارىق مودەلدەردى جۇمىسقا الۋعا تىيىم سالاتىن زاڭ قابىلدادى. وعان سايكەس، بۇدان بىلاي سالماعى شامادان كەم قىزدارعا پوديۋمعا شىعۋعا بولمايدى.

 ال جاڭا ەرەجەنى بۇزىپ، جۇدەۋ قىزداردى ءسان كورسەتىلىمدەرىنە نەمەسە جارناماعا الاتىن اگەنتتىكتەردىڭ قىزمەتكەرلەرى 75 مىڭ ەۋرو كولەمىندە ايىپپۇل تولەيدى نەمەسە التى ايعا تۇرمەگە وتىرعىزىلادى.

زاڭ شىعارۋشىلاردىڭ ونداعى ماقساتى - تىم ارىق مودەلدەرگە ەلىكتەيتىن كەلىنشەكتەرگە مۇنىڭ دۇرىس ەمەس ەكەنىن كورسەتۋ. جالپى، فرانسيادا 40 مىڭداي ادام تابەتسىزدىكتەن جاپا شەگەدى ەكەن. جانە ءاربىر 10 ادامنىڭ 9 ى - ايەلدەر مەن قىزدار.