استانادا شەتەلدىك ەلشىلەر مەن قازاقستان مينيسترلەرى اراسىندا تەننيستەن سايىس ءوتتى

استانا. قازاقپارات - كەشە استانادا تەننيستەن ەرەكشە تۋرنير بولدى. شەتەلدىك ەلشىلەر مەن قازاقستان مينيسترلەرى كۇندەلىكتى كيەتىن كوستيۋمدەرىن سپورتتىق كيىمگە اۋىستىرىپ، ءوزارا مىقتىنى انىقتاۋ ءۇشىن كوردقا شىقتى.

ءبىرىنشى كوماندانىڭ قۇرامىندا تۇركيا، ۆەنگريا، لاتۆيا جانە ساۋد ارابياسى ەلدەرىنىڭ وكىلدەرى بار. ال ۆلاديمير شكولنيك، ەرلان ىدىرىسوۆ، بەرىك يماشيەۆ باستاعان قازاقستان قۇراماسى ولارعا قارسىلاس اتاندى. قىزىقتى دا، كۇردەلى جارىستا قوس تاراپ ت ا  وتە جاقسى ونەر كورسەتتى.

ايتا كەتەيىك، ديپلوماتتار اراسىنداعى «ناۋرىز كۋبوگى» وسىمەن 2 - جىل قاتارىنان ۇيىمداستىرىلىپ وتىر.

دياس دوسقارايەۆ، قازاقستان تەننيس فەدەراتسياسىنىڭ اتقارۋشى ديرەكتورى:

- بىلتىر بۇل حارد توسەنىشتە وتكەن، بيىل توپىراق توسەنىشتە وتكىزۋدەمىز. بۇل جارىس ءبىزدىڭ ەلدە وتە ماڭىزدى. سەبەبى ونىڭ ماقساتى - سپورتتى ناسيحاتتاۋ، تەننيستى ناسيحاتتاۋ. وسى ەلشىلىكتەردى بىرىكتىرۋ.