مالايزيا پرەمەر- ءمينيسترىنىڭ قىز ۇزاتۋ تويىنان قايتىپ كەلە جاتقان قوناقتار اپاتقا ۇشىرادى
اقپارات كوزدەرىنىڭ حابارلاۋىنشا، وقىس وقيعا ەل استاناسى كۋالا- لۋمپۋردەن 40 شاقىرىم جەردە بولعان.
تىكۇشاق اپاتى ۇكىمەت باسشىسىنىڭ قىزىنىڭ تويىنان قايتىپ كەلە جاتقان كەزدە بولعان دەگەن دە مالىمەت بار.
اۋە اپاتىنا ۇشىراعان بيلىك وكىلدەرىنىڭ ەسىمدەرى بەلگىلى بولدى.
اتاپ ايتقاندا، پرەمەر- مينيستر كەڭسەسىنىڭ باسشىسى ازلين الياس، بۇرىن وسى ەلدىڭ ا ق ش- تاعى ەلشىسى بولعان قازىرگى دەپۋتات دجامالۋددين دجاردجيس پەن ونىڭ وققاعارى، بيزنەسمەن روبەرت تان جانە ەكى ەكيپاج مۇشەسى بولعان. مالايزيا ب ا ق- تارىنىڭ بايانداۋىنشا، الياس پەن دجاردجيس تاعى دا ءبىر تويعا قاتىسۋى ءتيىس بولعان.
مارقۇم بولعان 6 ادامنىڭ دا دەنەسى كۋالا- لۋمپۋردەگى اۋرۋحاناعا جەتكىزىلگەن. قايعىلى جاعدايعا قابىرعاسى قايىسقان ەل پرەمەر- ءمينيسترى دجامالۋددين دجاردجيستىڭ ءوزىنىڭ ەڭ جاقىن دوسى ال ازلين الياستىڭ ۇكىمەت قىزمەتىنە بەرىلگەن ادام بولعاندىعىن اتاپ كورسەتە كەلىپ، اپات سەبەبىن بۇگە- شۇگەسنە دەيىن مۇقيات تەكسەرۋدى تاپسىردى.
ازىرگە اۋە كولىگىنىڭ بورتىندا ناقتى قانشا جولاۋشى بولعانى انىقتالىپ جاتىر.
khabar.kz
مالايزيا پرەمەر- ءمينيسترىنىڭ قىزى نۋريانا نادجاۆا مەن قازاقستاندىق ازامات دانيار كەسىكبايەۆ
