قازاق بالاسى رەسەيلىك شوۋدىڭ جۇلدىزىنا اينالدى

استانا. قازاقپارات -  وسىدان بىرنەشە كۇن بۇرىن ينتەرنەت- جەلىسىندە جەل ۇشىرىپ اكەتكەن قازاق بالاسى تۋرالى بەينەروليك پايدا بولعان ەدى. اياقاستى تۇرعان جەلدەن جەرگە توسەلگەن كىلەم كوتەرىلىپ، ولەڭ ايتىپ تۇرعان كىشكەنتاي بالانى وراپ اكەتكەنىن اتالعان ۆيدەودان انىق كورۋگە بولادى.

ءبۇلدىرشىن ءدىن- امان. ەندى ول تەك قازاقستاندىق ينتەرنەت- پايدالانۋشىلارىنىڭ اراسىندا عانا تانىمال ەمەس، رەسەيلىك شوۋ- باعدارلاما كۇنى كەشە جەرلەسىمىزدى جارتى الەمگە تانىتتى.

رەسەي مەن ت م د ەلدەرى تۇرعىندارى اراسىندا جۋرناليست اندرەي مالاحوۆتىڭ «پۋست گوۆوريات» دەپ اتالاتىن شوۋ باعدارلاماسىن بىلمەيتىندەر كەم. ايتۋلى تەلەجوباعا بۇعان دەيىن دە قازاقستاندىق ازاماتتار قاتىسقان. الايدا، كەشەگى كۇلكى كۇنىنە ارنالعان شىعارىلىمى ەرەكشە ەستە قالاتىنى ءسوزسىز.

 باستى كەيىپكەر - ءادىل ماقسۇتوۆ. ول تالدىقورعان قالاسىنان. بىلتىر 1- ماۋسىم - دۇنيەجۇزىلىك بالالاردى قورعاۋ كۇنى قارساڭىندا بالاباقشا عيماراتىنىڭ الدىندا وتكەن سالتاناتتى شارادا ولەڭ ايتپاق بولعان ەكەن. الايدا، داۋىلدى جەل ونى كىلەمگە وراي ۇشىرىپ اكەتتى. بۇل ءساتتى ءادىلدىڭ تۋعان اعاسى بەينەكامەراعا جازىپ الىپ، جۋىردا ينتەرنەتكە جۇكتەگەن.

Baq.kz