تۇركىستاندا وليمپيادا چەمپيونى بەكزات ساتتارحانوۆ تۋرالى دەرەكتى فيلمنىڭ تۇساۋكەسەرى ءوتتى

استانا. قازاقپارات - تۇركىستان قالاسىنداعى ياسساۋي اتىنداعى حالىقارالىق قازاق- تۇرىك ۋنيۆەرسيتەتىندە بوكستان وليمپيادا چەمپيونى بەكزات ساتتارحانوۆ تۋرالى دەرەكتى فيلمنىڭ تۇساۋكەسەرى ءوتتى. فيلمنىڭ رەجيسسەرى - ەرمەك شاحمەت.

سپورتشىنىڭ 35 جىلدىعىنا ارنالعان «بەكزات ساتتارحانوۆ - وليمپيادا چەمپيونى» فيلمىن  «Omniars»  كينوكومپانياسى «Kemenger»  جۋرنالىمەن بىرلەسىپ ءتۇسىردى. كارتينانىڭ سسەناريىن جازعان - تىلشىلەر دينا بالقاش قىزى مەن ايگەرىم جۇماحانوۆا.

لەنتا سپورتشىنىڭ بالالىق، بوزبالا شاقتارى جانە جەتىستىكتەرى تۋرالى باياندايدى. تۇسىرىلىمگە وليمپيادا چەمپيونىنىڭ اتا- اناسى، جاتتىقتىرۋشىلارى مەن دوستارى قاتىستى. 1999 - جىلى كاسىبي شارشى الاڭعا شىعىپ، ءبىر جىلدان كەيىن سيدنەيدەگى وليمپيادا ويىندارىنىڭ چەمپيونى اتاعىن العان بەكزات ساتتارحانوۆ قازاقستاننىڭ ەڭ ۇلكەن جانە سەنساتسيالىق جاڭالىعى بولدى. ءبىراق جەڭىسىنەن كەيىن ءۇش اي وتكەن سوڭ، ول كولىك اپاتىنان قازا تاپقان.

پرەمەراعا بوكسشىنىڭ اتا- اناسى، وليمپيادا چەمپيوندارى باقىت سارسەكبايەۆ پەن سەرىك ساپييەۆ قاتىستى. اتالعان جوبا بەكزات ساتتارحانوۆ اتىنداعى XIV حالىقارالىق جارىستىڭ اشىلۋىنا ورايلاستىرىلعان. فيلم سونداي- اق قازاقستاندىق بوكستىڭ جاس اڭىزىنا قۇرمەت كورسەتۋ بولىپ تابىلادى. ءتۇسىرۋ توبى تۇركىستان قالاسىنىڭ اكىمدىگىنە قولداۋ كورسەتكەنى ءۇشىن العىس بىلدىرەدى.

ءوز كەزەگىندە، كورەرمەندەر بۇل كارتينانى دۋ قول شاپالاقتاپ قارسى الدى. قازىرگى ۋاقىتتا كينو كومپانيا سونداي- اق تولىق مەتراجدى كوركەم فيلم - بەكزات ساتتارحانوۆ تۋرالى بيوگرافيالىق درامانى تۇسىرۋمەن اينالىسۋدا.