ۇلى بريتانيادا جاسىنا جەتپەي قارتايىپ كەتكەن قىز قايتىس بولدى

استانا. قازاقپارات - ۇلى بريتانيادا سيرەك كەزدەسەتىن گەنەتيكالىق سىرقات - پروگەرياعا ۇشىراعان حەيلي وكينس بەكسحيلل قالاسىنداعى ءوز ۇيىندە قايتىس بولدى، دەپ حابارلادى لەنتا. رۋ.

ءولىمنىڭ سەبەبى وكپەنىڭ قابىنۋى بولدى.

پروگەريا سالدارىنان ورگانيزم سەگىز ەسە تەز قارتايادى، 17 جاستاعى قىزدىڭ  بەت الپەتىن 104 جاستاعى كەمپىردىڭ بەت- اجارىنداي بولىپ، ءاجىم باسىپ كەتكەن. دارىگەرلەر مۇنداي دياگنوزبەن وكينس 13 جىلدان ارتىق ءومىر سۇرە المايدى، دەپ ەسكەرتكەن بولاتىن، ءبىراق ولار ءتورت جىلعا قاتەلەستى. سوڭعى كەزدە ول ا ق ش- تا يننوۆاتسيالىق پرەپاراتتارمەن ەمدەۋ كۋرسىنان ءوتىپ جۇرگەن بولاتىن. الايدا ول وكپە قابىنۋى سىرقاتىنا ۇشىراپ، ۇيىنە قايتۋعا ءماجبۇر بولدى.

14 جاسىندا وكينس ءوزىنىڭ عۇمىرناماسىن جاريالادى. سونداي- اق مەزگىلىنەن بۇرىن قارتايۋ جونىندەگى دەرەكتى فيلمگە ءتۇستى، The Washington Post باسىلىمىنىڭ جازۋىنشا، ول كوپ ساياحاتتادى، پرينتس چارلزبەن، كايلي مينوۋگپەن جانە دجاستين بيبەرمەن كەزدەستى.

پروگەريا - سيرەك كەزدەسەتىن اۋرۋ، ونىڭ سالدارىنان ادامنىڭ تەرىسى مەن ىشكى ورگاندارى وزگەرىسكە تۇسەدى. الەمدە وسىنداي سىرقاتقا ۇشىراعان 80 گە تارتا ادام ءومىر سۇرۋدە.