الماتىنىڭ «ارباتىندا» تۇڭعىش رەت «كيىز ءۇي مەرەكەسى» تويلانىپ جاتىر

الماتى. قازاقپارات - كەشە الماتىنىڭ «ارباتىندا» (جىبەك جولى داڭعىلى) تۇڭعىش رەت «كيىز ءۇي مەرەكەسى» قالالىق فەستيۆالى ءوتتى.

فەستيۆال اياسىندا «ارباتقا» بەس ۇلكەن جانە ءبىر كىشىگىرىم كيىز ءۇي ورناتىلدى. بۇدان كەيىن، شەبەر دومبىراشىلار اراسىندا كۇي تارتۋدان كونسەرتتىك باعدارلاما ۇيىمداستىرىلدى.

«2014 - جىلدىڭ 26 - قاراشاسىندا يۋنەسكو- نىڭ ماتەريالدىق ەمەس مادەني مۇرالاردى قورعاۋ كوميتەتى «قازاقتىڭ ءداستۇرلى كۇي ورىنداۋ ونەرى» مەن «قازاق پەن قىرعىز حالىقتارىنىڭ كيىز ءۇي دايىنداۋ جانە تىگۋ ونەرىن» يۋنەسكو- نىڭ ادامزاتتىڭ ماتەريالدىق ەمەس مادەني مۇرالارى تىزىمىنە ەنگىزگەن بولاتىن.

 مىنە، بۇگىن وسىعان بايلانىستى يۋنەسكو- نىڭ الماتىلىق بيۋروسى مەن «الماتىنىڭ قولونەر پالاتاسى» قوعامدىق قورى بۇل ۋاقيعانى كەڭ كولەمدە اتاپ ءوتۋدى ءجون كوردى. ەندى بۇل فەستيۆال جىل سايىن وتكىزىلەتىن بولادى»، - دەدى ءوز سوزىندە يۋنەسكو- نىڭ الماتىلىق بيۋروسىنىڭ كوممۋنيكاتسيا جانە اقپارات ماسەلەلەرى بويىنشا مامانى سەرگەي كارپوۆ.

 ايتا كەتەلىك، بۇگىن ءبىرىنشى كۇنى، فەستيۆال شەڭبەرىندە كيىز ءۇي تىگۋ ادىستەرى كورسەتىلدى. سونداي- اق، كيىز باسۋ، كەستە تىگۋ جانە باسقا دا ۇلتتىق كاسىپتەر بويىنشا قولونەرشىلەردىڭ شەبەرلىك سىنىپتارى ۇيىمداستىرىلدى. وندا كوزگە تۇسكەندەرگە باعالى سىيلىقتار تابىس ەتىلەتىن بولادى.

ەرتەڭ، ەكىنشى كۇنى، ورتالىق ازيا ەلدەرىنىڭ قولونەر بۇيىمدارى بويىنشا كورمە بولادى.

اۆتور: جاپپاربەرگەن ايبوتا