16:41, 04 - ءساۋىر 2015 | GMT +5
جۇكتى ايەل وبامانىڭ كەسىرىنەن جولدا بوساندى
استانا. قازاقپارات - ا ق ش- تا جۇكتى ايەل پرەزيدەنت باراك وبامانىڭ كورتەدجى وتۋىنە بايلانىستى قوزعالىس ۋاقىتشا شەكتەلگەن كوشەدە پەرزەنتحاناعا جەتە الماي جولدا بوساندى، دەپ جازادى ر ي ا نوۆوستي جەرگىلىكتى «WLKY» پورتالىنا سىلتەمە جاساي وتىرىپ.
بۇل وقيعا بەيسەنبى كۇنى كەنتۋككي شتاتى لۋيسۆيلل قالاسىندا بولعان. پرەزيدەنتتىڭ كەلۋىنە بايلانىستى اتالعان قالاداعى ءبىرقاتار كوشەدە كولىك قوزعالىسى ۋاقىتشا شەكتەلگەن.
جەدەل جاردەم قىزمەتىنە جەرگىلىكتى ۋاقىت بويىنشا ساعات 17:15 تە حابارلاما تۇسكەنىمەن، دارىگەرلەر تولعاعى كەلگەن ايەلگە كوشەلەردەگى قوزعالىستىڭ شەكتەلۋىنە بايلانىستى جەتە الماعان.
«وبامانىڭ كورتەجى جۇكتى ايەلگە ەمحاناعا جەتۋگە بوگەت بولدى. ايەلدى كەپتەلىستە تۇرىپ قالعان مەدبيكە بوساندىردى. دۇنيەگە دەنى ساۋ ۇل بالا كەلىپ، كوپ ۇزاماي اناسى مەن بالاسى اۋرۋحاناعا جەتكىزىلدى»، دەلىنگەن اقپاراتتا.
