استانا ارداگەرلەرىنىڭ بارلىعى ميلليونەر بولادى
ۇلى وتان سوعىسىنداعى جەڭىستىڭ 70 جىلدىعىنا ارنالعان ءىس-شارالار جوسپارىنىڭ نەگىزىندە ۇ و س ارداگەرلەرىن الەۋمەتتىك قورعاۋ شارالارى قاراستىرىلعان، دەپ اقپارات تاراتتى استانا اكىمدىگىنىڭ باسپا ءسوز قىزمەتى.
جەرگىلىكتى بيۋجەت ەسەبىنەن ۇ و س جەڭىستىڭ 70 جىلدىعىنا وراي قالا اكىمدىگى ەلوردادا تۇرىپ جاتقان ءار ارداگەرگە 1 ميلليون 100 مىڭ تەڭگەدەن تولەماقى بەرەدى، ودان وزگە جەرگىلىكتى بيۋجەتتەن ۇ و س ارداگەرلەرى مەن مۇگەدەكتەرىنە 100 مىڭ تەڭگەدەن تولەنەدى. سونىمەن قاتار، استانا قالاسىندا تۇرىپ جاتقان ەكى ارداگەرگە ماسكەۋ قالاسىندا وتەتىن جەڭىستىڭ 70 جىلدىعىنا ارنالعان پارادقا قاتىسۋ ءۇشىن جول، تاماقتانۋ، تۇرۋ شىعىندارى وتەلەتىن بولادى.
اقشالاي تولەمدەردى سونداي-اق تىل ەڭبەككەرلەرى، ۇ و س قاتىسۋشىلاردىڭ جۇبايلارى مەن ۇ و س ارداگەرلەرىنە تەڭگەرىلگەن تۇلعالار دا الاتىن بولادى.
