الماتى اۋەجايىندا قۇتقارۋشىلار ارنايى جاتتىعۋلار وتكىزدى - فوتو
جاتتىعۋلاردىڭ ءبىرىنشى كەزەڭىندە رەسپۋبليكالىق جەدەل-قۇتقارۋ جاساعىنىڭ بازاسىندا موبيليزاتسيالاۋ جاساعى قۇتقارۋشىلارىنىڭ جەكە قۇرامىن حابارلاندىرۋ جانە مەديتسينالىق قاراۋدان ءوتۋ، ءىزشىل يتتەردى باقىلاۋ، الماتى قالاسىنىڭ حالىقارالىق اۋەجايىنا جەتكىزۋ ءۇشىن قۇتقارۋ جابدىقتارىن تيەۋ سياقتى تاجىريبەلەر جۇرگىزىلدى.
الماتىداعى حالىقارالىق اۋەجايدىڭ اۋماعىندا وتكەن ەكىنشى كەزەڭدە «КАZEMERCOM» جاساعىنىڭ قۇتقارۋشىلارى قاجەتتى قۇجاتتامانى راسىمدەۋمەن شەكارالىق جانە كەدەندىك پروتسەدۋرالاردان ءوتۋ ارەكەتتەرىن، سونداي-اق جەكە قۇرامنىڭ توتەنشە جاعداي ايماعىنا جەتكىزۋ ءۇشىن جابدىقتار مەن كولىك تەحنيكاسىن ۇشاققا (ي ل-76) تيەۋ ارەكەتتەرى جاسالدى.
جاتتىعۋ بارىسىندا بولىمشەلەردىڭ جەتەكشىلەرى جانە جاساقتىڭ جەكە قۇرامىمەن دايىندىق، موبيليزاتسيالاۋ جانە دەموبيليزاتسيالاۋ، ىزدەۋ-قۇتقارۋ جۇمىستارىن وتكىزۋ، سونداي-اق بايلانىستى ۇيىمداستىرۋ، ماتەريالدىق-تەحنيكالىق جابدىقتاۋ، قاۋىپسىزدىك، دەنساۋلىقتى ساقتاۋ جانە مەديتسينالىق بىرگە ەرىپ ءجۇرۋدى قامتاماسىز ەتۋ، قاۋىپسىزدىكتى ساقتاۋ ماسەلەلەرى بويىنشا بريفينگ وتكىزىلدى.
