ەسىموۆ: الماتى تۇرعىندارى اراق ىشپەيدى

استانا. قازاقپارات - الماتى اكىمى احمەتجان ەسىموۆ الماتىلىقتاردىڭ اراق ىشپەيتىنىن ايتتى. ونىڭ ويىنشا، ولار تەك ساپالى شاراپ نە ۆيسكي ىشەدى.

2- ساۋىردە الماتىدا ءوتىپ جاتقان ۇلتتىق كاسىپكەرلەر پالاتاسى كەڭەسىندە الماتى اكىمى «قازالكونىڭ» اراق قۇنىن ءتۇسىرۋ ۇسىنىسىن تالقىلاپ، الاماتىلىقتاردىڭ اراق ىشپەيتىندىگىن ايتتى.

«قازالكونىڭ» ايتۋىنشا، بۇگىندە وتاندىق اراقتىڭ ەڭ تومەنگى باعاسى 650 تەڭگە بولسا، رەسەيلىك اراق 589 تەڭگەگە تيەدى. باعاداعى بۇل ايىرماشىلىق سالدارىنان رەسەيگە شەكارالاس جاتقان وڭىرلەر رەسەيلىك اراقتى جاپپاي ساتىپ الۋدا. وسىعان بايلانىستى الكاگول وندىرۋشىلەر اراقتىڭ ەڭ تومەنگى باعاسىن 560 تەڭگەگە ءتۇسىرىپ، %100 سپيرت اكسيزدەرىنىڭ باعاسىن 1200 تەڭگەگە تومەندەتتىرۋدى ۇسىنىپ وتىر.

«رەسەيدە ورىن الىپ جاتقان بۇل جايت، ارينە قازاقستاندىق كاسىپكەرلەرگە اسەر ەتۋدە. رەسەيدەن ارزان ازىق-تۇلىكتەر مەن تاۋارلار اكەلىنىپ جاتىر. بۇعان شارا قولدانۋ قاجەت. ماسەلەن، قازالكو مەملەكەتكە اراق رەسەي جاقتان 589 تەڭگەگە ساتىلىپ جاتقانىنا وراي، وتاندىق اراق قۇنىن 650 دەن 560 تەڭگەگە تۇسىرۋگە ۇسىنىس جاساپ وتىر. ال الماتىلىقتار اراق ىشپەيدى. ولار ساپالى شاراپتى نە بولماسا ۆيسكيدى ۇناتادى»، - دەدى اكىم الماتىدا ءوتىپ جاتقان ۇلتتىق كاسىپكەرلەر پالاتاسى كەڭەسىندە.

NUR. KZ