ەۋرووداق كەنياداعى لاڭكەستىككە قاتىستى پىكىرىن جاريالادى

بريۋسسەل. قازاقپارات - كەنيا حالقى تاعى ءبىر مارتە ەكسترەميستىك زورلىق-زومبىلىق ارەكەتتەن جاپا شەكتى. بۇل تۋرالى ەۋرووداقتىڭ شەتەلدىك ىستەر مەن قاۋىپسىزدىك ساياساتى بويىنشا جوعارعى ءتورايىمى فەدەريكا موگەريني جۇما كۇنى ءمالىم ەتتى.

«ە و تۋىستارى قازا تاپقان جانۇيالارعا كوڭىل ايتىپ، زورلىق-زومبىلىقتان جاپا شەككەندەردىڭ قايعىسىنا ورتاقتاسادى»، - دەدى موگەريني.

ەۋروپالىق ديپلوماتيا باسشىسىنىڭ سوزىنە قاراعاندا، كەنيالىق گاريسسا قالاسىندا 147 ستۋدەنتتىڭ ءومىرىن قيۋ ارقىلى لاڭكەستەر ءتۇرلى كونفەسسيالار اراسىندا داۋ تۋدىرۋ ماقساتىمەن ءبىلىم بەرۋ جۇيەسىنە، ەلدىڭ ەكونوميكالىق جانە مادەني دامۋىنا، تۇراقتىلىعىنا كەدەرگى كەلتىرۋگە نيەتتى ەكەندەرىن كورسەتتى.

«ە و كەنيا ۇكىمەتى مەن حالقىنا لاڭكەستىك قاۋپىنەن ارىلۋعا كومەكتەسەتىنىن راستايدى»، - دەپ ءتۇيدى موگەريني.

ەسكە سالا كەتەيىك، 2- ساۋىردە «اش-شاباب» يسلاميستىك توبى كەنيانىڭ گاريسسا قالاسىنداعى ۋنيۆەرسيتەتتىك كەشەنگە شابۋىل جاسادى. سالدارىنان 147 ادام قازا تاۋىپ، تاعى 79 ادام ءتۇرلى جاراقات الدى.