00:10, 04 - ءساۋىر 2015 | GMT +5
قازاقستاننىڭ دۇكەن سورەلەرىندە يمپورتتالعان شەتەل ەتتەرى جوق - ا. مامىتبەكوۆ
استانا. قازاقپارات - قازاقستاننىڭ دۇكەن سورەلەرىندە يمپورتتالعان شەتەل ەتتەرى جوق. بۇل تۋرالى استانادا قازاقتىڭ اقباس سيىرى يەلەرى پالاتاسىنىڭ وتىرىسىندا ق ر اۋىل شارۋاشىلىق ءمينيسترى اسىلجان مامىتبەكوۆ ءمالىم ەتتى.
«ءبىزدىڭ ىشكى نارىعىمىز ەتكە تولىپ بولدى. كەيبىرەۋلەر «نەگە ءبىز ەتتى شەتەلدەن تاسيمىز» دەپ ايتىپ جاتادى. سورەلەردە شەتەل ەتى جوق - سونى ءتۇسىنۋ كەرەك. ەگەر يمپورتتالسا، تەك تەحنولوگيالىق ماقساتتارعا عانا: كونسەرۆى، شۇجىق جانە تاعى باسقا ءۇشىن»، - دەدى مينيستر.
ونىڭ سوزىنە قاراعاندا، قازاقستاندا ەتكە دەگەن قاجەتتىلىك تولىقتاي قامتاماسىز ەتىلۋدە، ال قالعانى شەت مەملەكەتتەرگە ەكسپورتتالۋدا. «ءۇمىت» كومپانياسى ماسكەۋگە 1 مىڭ توننا ەت جەتكىزۋ جونىندە كەلىسىم جاسادى. رۋبلدىڭ باعامى قۇلاعانىمەن، ءبىزدىڭ ەتتەرگە سۇرانىس بار. ۆاليۋتا باعامى ورنىققاننان سوڭ، ەكسپورت كولەمى دە ارتا تۇسەدى»، - دەپ ءتۇيدى ءسوزىن ا. مامىتبەكوۆ.
