تيبەتتە جاڭا قالا پايدا بولادى

بەيجىڭ. قازاقپارات - ق ح ر مەملەكەتتىك كەڭەسى تيبەت اۆتونومدى ولكەسىندەگى نينچي ەلدى مەكەنى وكىلدەرىنىڭ اۋدان دەڭگەيىندەگى قالا مارتەبەسىن بەرۋ ءوتىنىشىن قۇپتادى، دەپ حابارلادى «شينحۋا» اگەنتتىگى.

نينچي تيبەت ولكەسىنىڭ اكىمشىلىك ورتالىعى لحاسا، سونىمەن قاتار شيگادزە مەن كامدو قالالارىنان كەيىنگى ءتورتىنشى قالا بولماق. ەلدى مەكەندە ءوز ق ك پ پارتيالىق كوميتەتى، اتقارۋشى بيلىكتىڭ جەرگىلىكتى قۇرىلىمى قۇرىلادى.

نينچي تيبەتتىڭ وڭتۇستىك- شىعىسىندا ورنالاسقان. ەلدى مەكەن جىلى كليمات پەن تابيعات سۇلۋلىعىنىڭ ارقاسىندا تيبەتكە كەلەتىن تۋريستەر اراسىندا تانىمال. 2014 - جىلى نينچيدە 2,8 ميلليون تۋريست بولعان. بۇل 2,8 ميلليارد يۋان (455 ميلليون دوللار) كولەمىندە تابىس اكەلدى.