تايقازان اقتوبەگە جول تارتتى - فوتو
بيىلعى 4 - اقپاندا تۇركىستاندا ۇلىقتالعان تايقازان اتىراۋ ارقىلى اق جايىققا جەتكەن بولاتىن.
سالتاناتتى شارادا قازاقستان حالقى ب ق و اسسامبلەياسى ءتوراعاسىنىڭ ورىنباسارى، حاتشىلىق مەڭگەرۋشىسى عايسا قاپاقوۆتىڭ اتاپ وتكەنىندەي، قازاق حالقى ەجەلدەن قاستەرلەگەن تايقازان ماڭگىلىك ورتايمايتىن ىرىس- بەرەكەنىڭ بەلگىسى ىسپەتتەس. ق ح ا جىلىنا وراي باتىس قازاقستاندا دا كوپتەگەن شارالار اتقارىلۋدا. مىنە، سولاردىڭ ءتىزىمى وسى قاسيەتتى تايقازانعا سالىنىپ، اقتوبەلىكتەرگە تاپسىرىلىپ وتىر. وسىلايشا، بارلىق وبلىستاردا بولاتىن تايقازان 22 - ءساۋىر كۇنى ەلورداعا جەتكىزىلىپ، وندا ق ح ا- نىڭ كەزەكتى سەسسياسىندا اسسامبلەيا ءتوراعاسى نۇرسۇلتان نازاربايەۆقا تابىستالماق.
قازاقستان حالقى اقتوبە وبلىستىق اسسامبلەياسى حاتشىلىعىنىڭ مەڭگەرۋشىسى جولداس ءنۇرشيننىڭ ايتۋىنشا، كيەلى تايقازان بۇدان كەيىن قوستانايعا تابىس ەتىلەدى. اقتوبە وبلىسىندا دا 19 ەتنومادەني بىرلەستىك جەمىستى جۇمىس جاساپ، ءتۇرلى ورەلى ىستەردىڭ ۇيىتقىسى بولۋدا.
