قازاقستانعا رەسەيدەن كەلەتىن اۋىلشارۋشىلىعى تاۋارلارى جاقىن ارادا شەكتەلۋى مۇمكىن
ەلىمىزدىڭ اۋىل شارۋاشىلىعى ءمينيسترى اسىلجان مامىتبەكوۆ، ۇكىمەت ارالىق كەلىسىمدەردىڭ ءۇشىنشى كەزەڭىنىڭ قورىتىندىسى بويىنشا رەسەي قازاقستانعا ەكسپورت كولەمىن قىسقارتۋ جونىندە مىندەتتەمەلەر الۋ ماسەلەسىن قاراستىرىپ جاتىر دەپ مالىمدەدى.
ءمينيستردىڭ سوزىنشە، رۋبلدىڭ ديەۆالۆاتسياسىنان (رەسەي اقشاسىنىڭ قۇنىسزدانۋىنان) كەيىن رەسەيلىك تاۋارلار ارزانداپ، قازاقستاندىق قۇس، ءسۇت ءونىمىن وندىرۋشىلەر ايتارلىقتاي قىسىم كورىپ وتىر. الايدا مينيستر، رەسەي مىندەتتەمەلەردى ءوز موينىنا العان كۇندە شەكتەۋ قانداي مەرزىمگە جانە ناقتى قاشان ەنگىزىلەتىنىن ناقتىلامادى.
اسىلجان مامىتبەكوۆ رەسەي تاراپىنان شەشىم قابىلداۋدا سوزبالىق بارىن جاسىرمادى.
اسىلجان مامىتبەكوۆ، ق ر اۋىل شارۋاشىلىق ءمينيسترى:
ەكى ەلدىڭ اراسىنداعى تاۋارلاردىڭ بالانسىن جاسادىق. سونداي كەلىسىم بار. بۇرىنعى دەڭگەيدەن، ورتاشا دەڭگەيدەن ارتىق تاۋار جىبەرمەۋ تۋرالى رەسەي وزىنە مىندەتتەمەلەر الماقشى. قازىر وعان دايىندىق جۇمىستارى ءالى دە ءجۇرىپ جاتىر.
«استانا» ارناسى
