ب. ساپاربايەۆ: كاسىبي فۋتبولىمىز قايدا؟

استانا. قازاقپارات - بۇگىن استانادا قازاقستاننىڭ سپورت قاۋىمداستىعىنىڭ فورۋمىندا ق ر پرەمەر- ءمينيسترىنىڭ ورىنباسارى بەردىبەك ساپاربايەۆ ەلىمىزدىڭ كاسىبي فۋتبولىنا كوڭىل توق ەمەس ەكەندىگىن جاسىرمادى.

 قازاقستان فۋتبولىنىڭ ارداگەرى، فۋتبول فەدەراتسياسىنىڭ بۇرىنعى ۆيتسە- پرەزيدەنتى ميحايل گۋرمانعا قويعان ساۋالىندا ۆيتسە- پرەمەر: «بۇگىندە فۋتبول الاڭى جوق ەلدى مەكەن جوق شىعار. كاسىپقوي فۋتبولىمىز قايدا؟ جاقسى باپكەرلەرىمىز قايدا كەتكەن؟ » ، - دەپ ساۋال تاستادى.

 ميحايل گۋرمان ەلدە فۋتبولدىڭ دامۋىنا ۇلكەن قولداۋ جاسالىپ جاتقاندىعىن ايتتى، ءبىراق كاسىبي فۋتبولدىڭ دامۋىنا كەرى اسەر ەتىپ جاتقان فاكتورلارعا دا توقتالدى.

 «وكىنىشكە وراي، باپكەرلەردە ۇرپاق جالعاستىعى دەگەن جوق. كەڭەس وداعى قۇلاعان كەزدە كوپتەگەن جاقسى باپكەرلەر رەسەيگە، وزگە دە ەلدەرگە قونىس اۋدارىپ كەتتى. ولار وزدەرىنىڭ ءىزىن باساتىن ەشكىمدى قالدىرمادى. بىزدە باپكەرلىك قۇرام جەتكىلىكسىز» ، - دەدى ول.

 م. گۋرماننىڭ سوزىنە قاراعاندا، فۋتبولدىڭ اياعىنا ينفراقۇرىلىمنىڭ ناشارلىعى تۇساۋ سالىپ وتىر.

 «مىنە، جاقىندا عانا ماۋسىم باستالدى. وبلىستاردىڭ بارلىعىندا ويناۋ مۇمكىن ەمەس. سەبەبى وعان ءۇش مىڭدىق جابىق مانەجدەر قاجەت. چەمپيونات ناۋرىزدا باستالسا، مامىرعا دەيىن ولار وسىنداي مانەجدەردە ويناۋلارى شارت. ولار ەشقانداي ايماقتا جوق. بىزدە قىستا ويناۋعا بولاتىن قاي جەر بار؟ «استانا ارەنا» مەن «قايرات- الماتى» . كاسىبي فۋتبولشىلارعا الاڭ جەتىسپەيدى» ، - دەيدى م. گۋرمان.

فورۋمعا ق ر مادەنيەت جانە سپورت، ءبىلىم جانە عىلىم مينيسترلىكتەرىنىڭ وكىلدەرى، قوعام قايراتكەرلەرى، سپورت ارداگەرلەرى، تانىمال سپورتشىلار، 2015 -جىلعى قىسقى ۋنيۆەرسيادانىڭ جەڭىمپازدارى قاتىستى.

 

اۆتور: جاسۇلان جولدىبايەۆ