ەلباسى «اقتوبە- ورتالىق» ج ش س كولىك- لوگيستيكالىق ورتالىعىنىڭ جۇمىسىمەن تانىستى

مۇندا مەملەكەت باسشىسىنا ورتالىقتىڭ جۇمىسى تانىستىرىلدى جانە وندا ساقتالاتىن ءونىم تۇرلەرى كورسەتىلدى.
نۇرسۇلتان نازاربايەۆ اگروونەركاسىپ كەشەنى مەن بيزنەستىڭ وزگە دە سالالارى وكىلدەرىمەن اڭگىمەلەسىپ، وبلىستىڭ ورنىقتى ەكونوميكالىق دامۋىن قامتاماسىز ەتۋدىڭ ماڭىزدىلىعىنا توقتالدى.
- مەملەكەت تاۋەلسىزدىكتىڭ العاشقى كۇندەرىنەن باستاپ شاعىن جانە ورتا بيزنەسكە قولداۋ كورسەتىپ كەلەدى. قازاقستان نارىقتىق ەكونوميكالى ەل بولعاندىقتان، ءبىز وتاندىق ونىمدەردىڭ جارتىسىن بيزنەس وندىرگەنىن باستى ماقسات ەتىپ وتىرمىز. بۇل ءۇشىن قاجەتتى بارلىق جاعداي جاسالعان. نەسيەلەر بويىنشا سىياقى مولشەرلەمەسى سۋبسيديالانادى، «بيزنەستىڭ جول كارتاسى-2020» ارناۋلى باعدارلاماسى جۇمىس ىستەيدى، نەگىزسىز تەكسەرۋلەر توقتاتىلدى. كاسىپورىنداردى تىركەۋ ۇدەرىسى جەڭىلدەتىلدى. مەملەكەت ەندى سىزدەردىڭ تاراپتارىڭىزدان ءونىم كولەمىن ۇلعايتۋدى، جۇمىس ورىندارىن اشۋدى، سالىق تولەمدەرىن، سونداي- اق باسەكەگە قابىلەتتى ءونىم جاساۋدى جانە جاڭا تەحنولوگيالارعا ينۆەستيتسيا سالۋدى كۇتەدى، - دەدى قازاقستان پرەزيدەنتى.
سوڭىندا مەملەكەت باسشىسى كەزدەسۋگە قاتىسۋشىلارعا تابىس جانە باق- بەرەكە تىلەدى.
ورتالىقتىڭ قۋاتى 17 مىڭنان استام پاللەتورىنعا لايىقتالعان. ونىڭ اۋماعى - 4.7 گ ا، قويمالارىنىڭ الاڭى - 12 400 شارشى مەتر.