د. نازاربايەۆا رەسەيدىڭ فەدەرالدىق سالىق قىزمەتى باسشىلارىمەن كەزدەستى
ماسكەۋگە ساپار ماقساتى - قارجىلىق مونيتورينگ جانە سالىقتىق اكىمشىلەندىرۋ سالاسىندا رەسەيلىك تاجىريبەنى مەڭگەرۋ.
قارجى مونيتورينگى جونىندەگى فەدەرالدىق قىزمەت باسشىسى يۋري چيحانچين ءوزى جەتەكشىلىك ەتىپ وتىرعان سالانىڭ ءىس-تاجىريبەسى، باسىم باعىتتارى جانە بولاشاق ماقساتتارىمەن ءبولىسىپ، حالىقارالىق ىنتىماقتاستىق ماسەلەلەرىنە توقتالدى.
كەزدەسۋ بارىسىندا تاۋەكەلدەردى باعالاۋ ورتالىعىنىڭ قىزمەتىنە دە باسا كوڭىل ءبولىندى.
ال، فەدەرالدىق سالىق قىزمەتى باسشىسىمەن جۇزدەسۋ كەزىندە ميحايل ميشۋستين قازاقستاندىق پارلامەنتشىلەردى رەسەيدىڭ سالىق قىزمەتىنىڭ نەگىزگى باسىمدىقتارىنان حاباردار ەتتى. سونىمەن قاتار، جەكە جانە زاڭدى تۇلعالارعا سالىق سالاسىنداعى مەملەكەتتىك قىزمەتتىڭ كەڭ تۇرىنە وڭايلاتىلعان قولجەتىمدىلىكتى قامتاماسىز ەتەتىن قولدانىستاعى ينتەرنەت-پورتالدى تانىستىردى.
كەزدەسۋلەر قورىتىندىسىندا تاراپتار اتالعان سالالارداعى ىنتىماقتاستىقتى ودان ءارى تەرەڭدەتۋگە ۋاعدالاستى.
جۇزدەسۋگە سونداي-اق، ءماجىلىس دەپۋتاتى گۇلجان قاراعۇسوۆا جانە سەنات دەپۋتاتى راشيت احمەتوۆ قاتىستى.
