11:55, 03 - ءساۋىر 2015 | GMT +5
ن. نازاربايەۆ اقتوبە رەلستى ارقالىق زاۋىتىن ارالاپ كورۋدە
استانا. قازاقپارات - مەملەكەت باسشىسى نۇرسۇلتان نازاربايەۆ اقتوبە رەلستى ارقالىق زاۋىتىن ارالاپ كورۋدە.

بۇل تۋرالى اقوردانىڭ تۆيتتەردەگى پاراقشاسىندا حابارلادى.
ايتا كەتەيىك، «اقتوبە رەلستى ارقالىق زاۋىتى» ج ش س اقتوبە قالاسىندا رەلستى ارقالىق زاۋىتى قۇرىلىسىنىڭ ينۆەستيتسيالىق جوباسىن ىسكە اسىرۋدا. زاۋىت اۋماعى 57 گەكتاردى قۇرايدى. اۋدانى 39 مىڭ شارشى مەتر جەردە ورنالاسقان، وندا 3 نەگىزگى جانە 17 قوسالقى سەحى بار.
كاسىپورىن جىلىنا 200 مىڭ توننا كولەمىندەگى تەمىرجول رەلستەرىن، 230 مىڭ توننا باسقا دا جابدىقتاردى (شۆەللەرلەر، ارقالىقتار، بۇرىشتار، ارنايى پروفيل) شىعارادى.