قاريالارعا ايىپپۇل سالىندى
جالعىز باستى قاريالار مەن مۇگەدەكتەرگە ارنالعان مەكەمەنىڭ قىزمەتكەرلەرى شىدامدارىنىڭ دا شەگىنە جەتكەنىن ايتادى.
سەبەبى، تاعدىرلارى اۋىر جانداردى اياپ، استى- ۇستىنە ءتۇسىپ بايەك بولىپ جۇرگەندەردىڭ ەڭبەگىن ەلەمەيتىندەرى دە بار ەكەن. بالاعاتتاپ قانا قويماي، جۇدىرىق الا جۇگىرەتىن زەينەتكەرلەر مەن مۇگەدەكتەردىڭ قىلىعى ولاردىڭ اشۋلارىن تۋعىزعان.
«بۇرىن- سوڭدى ەشقاشان ءتارتىپ ساقشىلارىنا ارىزدانىپ، سوتقا دەيىن شاعىمدانىپ كورمەپ ەدىك. ءبىراق، ەندى امالىمىز تاۋسىلىپ وتىر. قارتتار ءۇيىنىڭ بەرەكەسىن كەتىرەتىن «تەنتەكتەرىمىز» بار. ولاردى قۋىپ جىبەرە المايسىڭ. مۇگەدەكتەر وزدىگىنەن دالادا كۇن كورە المايدى. سوعان قاراپ ايايسىڭ. سوندىقتان ايىپپۇل سالىپ، جۇگەنسىز كەتكەندەردى تەزگە سالۋدى ءجون كوردىك»، - دەيدى قارتتار مەن مۇگەدەكتەر ءۇيىنىڭ تارتىپتىك كوميسسياسىنىڭ ءتوراعاسى اندرەي تۋلەگەنوۆ.
اقىرى اكىمشىلىك سوتتا ەكى مۇگەدەك پەن ءبىر زەينەتكەرگە قاتىستى ءىس قارالدى. 66 جاستاعى اجەي قىزمەتكەرلەردى سەبەپسىز بالاعاتتايدى ەكەن. 2-توپتاعى مۇگەدەك مەيىربيكەنى بوقتاعان. تاعى ءبىر تۇرعىن قارتتار ءۇيىنىڭ بالكونىنا شىعىپ الىپ، شۋ كوتەرگەن. ەندى وسى قىلىقتارى ءۇشىن 20 مىڭ تەڭگەگە جۋىق ايىپپۇل تولەيتىن بولدى. قارتتار ءۇيىنىڭ قىزمەتكەرلەرى بۇل جازا وزگە «تەنتەك» تۇرعىندارعا ساباق بولار دەپ ۇمىتتەنەمىز دەيدى.
BNews.kz
