قازاق ءتىلى بويىنشا «جارقىن بولاشاق» وليمپياداسى ءوتتى

استانا. قازاقپارات - بۇكىل قازاقستاندىقتاردىڭ باسىن بىرىكتىرەتىن كۇش - مەملەكەتتىك ءتىل. قازاق ءتىلىنىڭ ءورىسىن كەڭەيتىپ، ەرەكشە دارىندى وقۋشىلاردى انىقتاۋ، وزگە ۇلتتارعا قازاق حالقىنىڭ ادەبيەتى مەن مادەنيەتىن، سالت-ءداستۇرىن، تاريحىن تانىتۋ ماقساتىندا رەسپۋبليكالىق «جارقىن بولاشاق» وليمپياداسى ۇيىمداستىرىلدى.

«KATEV» حالىقارالىق قوعامدىق قورىنىڭ ۇيىتقى بولۋىمەن قولعا الىنعان شارا ەلىمىزدىڭ بارلىق ايماعىن قامتىدى. ناتيجەسىندە بىلىمدىلەر مەن تالانتتىلار ىرىكتەلىپ، استانادا فينالدىق كەزەڭگە جولداما الدى.

بۇگىن بەس مىڭ وقۋشىنىڭ اراسىنان سۋىرىلىپ شىققان 171 دارىن يەسى بەس كونكۋرس بويىنشا سىنعا تۇسۋدە. مەكتەپ جاسىنداعى بالالاردىڭ ۇلتتىق قۇندىلىقتارعا دەگەن قىزىعۋشىلىعىن ارتتىرىپ، تۇلعانىڭ قابىلەتىن ۇشتاۋعا ىقپال ەتۋ - وليمپيادانىڭ باستى مىندەتى.

قازاق ءتىلىنىڭ قۇدىرەتىن وزگە ۇلتتار دا ناسيحاتتاۋدا. قازاقشا ءان ايتۋ، عىلىمي جۇمىس پەن شىعارماشىلىق قابىلەتىن كورسەتۋ، مانەرلەپ وقۋ سەكىلدى باعىتتا جەڭىمپازدار انىقتالادى. ابزال جاڭابايەۆ، 10-سىنىپ وقۋشىسى - وسى «جارقىن بولاشاقتىڭ ارقاسىندا شەت اۋىلداردان، قالالاردان كەلگەن ونەرلى بالالار وسى ءوزىنىڭ تىلدىك ونەرىن، شەشەندىگىن، ادەبيەتكە بەيىم ەكەندىگىن، ونەرگە بەيىم ەكەندىگىن دالەلدەپ، كورسەتىپ وتىر.

نۇربول تولەبايەۆ، «KATEV» حالىقارالىق قوعامدىق قورىنىڭ ۆيتسە-پرەزيدەنتى:

- بيىلعى «جارقىن بولاشاقتىڭ» ەرەكشەلىگى - ول جەتى ۋنيۆەرسيتەت وسى 11-سىنىپتا قاتىسىپ وتىرعان بالالارعا 27 ءبىلىم گرانتىن بەرىپ وتىر. بۇل - بالالارعا وتە ۇلكەن مۇمكىندىك. جاقسى بالالار وسى جەردەن جەڭىپ شىققاندا، جۋرناليستيكا، قازاق ءتىلى فيلولوگياسى بويىنشا گرانت الىپ، تەگىن ءبىلىم الا الادى.

www.khabar.kz