شوكولاد ارتىق سالماقتان ارىلۋعا كومەكتەسەدى

استانا. قازاقپارات - تاماق تانۋ جانە دەنساۋلىقتى ساقتاۋ ينستۋتىندا جۇرگىزىلگەن جاڭا زەرتتەۋ شوكولاد پەن كومىرسۋلاردىڭ از كولەمىن پايدالانۋمەن ۇستانعان ەمدامنىڭ ارتىق سالماقتان ارىلعىسى كەلگەن ادامدارعا ۇزدىك ناتيجەگە قول جەتكىزۋگە كومەكتەسە الاتىنىن كورسەتتى.

عالىمداردىڭ ايتۋىنشا، سالماقتان ارىلۋ ءۇشىن كومىرسۋلاردى پايدالانۋدى شەكتەۋ جەتكىلىكسىز. ول ءۇشىن بەلگىلى ءبىر ازىق-تۇلىكتەردى قۇرامداستىرۋ كەرەك، دەپ جازادى Zee News.

ەمدامنىڭ تيىمدىلىگى تاعام مولشەرىندە بيولوگيالىق بەلسەندى قوسىلىستاردىڭ بولۋىنا بايلانىستى. ونداي قوسىلىستار - فلاۆونويدتەر شوكولادتىڭ قۇرامىندا بار. ولاردىڭ دەنساۋلىق ءۇشىن وتە پايدالى ەكەنى بەلگىلى. زەرتتەۋگە 19-67 جاس ارالىعىنداعى ەرىكتىلەر قاتىسقان. ولاردى ءۇش توپقا ءبولدى: ءبىرىنشى توپ كومىرسۋلار قۇرامى تومەن ەمدامدى قاتاڭ ۇستانسا، ەكىنشىسى ونداي ەمداممەن قوسا كۇنىنە 42 گرام قارا شوكولادتى جەگەن. باقىلاۋ توبى بولسا، ادەتتەگىدەي تاماقتانعان.

ءبىرىنشى جانە ەكىنشى توپتىڭ قاتىسۋشىلارى كومىرسۋى تومەن ەمدامنىڭ ارقاسىندا باقىلاۋ توبىنىڭ قاتىسۋشىلارىنا قاراعاندا سالماقتان ارىلعان. قارا شوكولادتى جەگەن ادامدار ءبىرىنشى توپتاعى ەرىكتىلەرگە قاراعاندا 10 پايىزعا ارتىق سالماق تاستاعان. ماماندار تەك شوكولادتى جەۋ سالماقتىڭ ارىلۋىنا كومەكتەسپەيتىنىن اتاپ وتۋدە. ونى ەمدام جانە فيزيكالىق جاتتىعۋلارمەن قوسۋ ماڭىزدى بولىپ تابىلادى.