قازاقستاننىڭ سىرتقى ىستەر ءمينيسترى قىرعىزستانعا باردى
ونى ق ر سىرتقى ىستەر ءمينيسترى ەرلان ىدىرىسوۆ باسقاردى.
«ماناس» حالىقارالىق اۋەجايىندا قازاقستاندىق دەلەگاتسيانى قىرعىزستان رەسپۋبليكاسىنداعى ق ر- نىڭ توتەنشە جانە وكىلەتتى ەلشىسى ايىمدوس بوزجىگىتوۆ قارسى الدى.
ەرتەڭ كۇننىڭ ءبىرىنشى جارتىسىندا «الا- ارچا» مەملەكەتتىك رەزيدەنتسياسىندا ت م د سىرتقى ىستەر مينيسترلەرى كەڭەسىنىڭ وتىرىسى وتەدى. كۇن تارتىبىندە كوپسالالى جانە ايماقارالىق سيپاتتاعى ءبىرقاتار ماسەلەلەر قارالماق.
قازاقستاندىق تاراپتان شاراعا ق ر سىرتقى ىستەر ءمينيسترىنىڭ ورىنباسارى سامات وردابايەۆ، قىرعىزستانداعى قازاقستان ەلشىسى ا. بوزجىگىتوۆ، بەلارۋستەگى قازاقستان ەلشىسى ە. بولەگەنوۆ، ق ر س ءى م حالىقارالىق اقپارات كوميتەتىنىڭ ءتوراعاسى ر. ۆاسيلەنكو، ق ر س ءى م مەملەكەتتىك حاتتاما قىزمەتىنىڭ باسشىسى ج. ابدىراشيەۆ، ق ر س ءى م ەۋرازيالىق ينتەگراتسيا دەپارتامەنتى ديرەكتورىنىڭ ورىنباسارى توقتار يگەمبايەۆ، ق ر س ءى م كەڭسەسىنىڭ ەكىنشى حاتشىسى ج. ورمانتاي جانە قىرعىزستانداعى قازاقستاندىق ديپميسسيا وكىلدەرى قاتىسادى.
قىرعىزستان پرەزيدەنتى المازبەك اتامبايەۆ ق ر سىرتقى ىستەر ءمينيسترى ەرلان ىدىرىسوۆتى قابىلدايدى دەپ كۇتىلۋدە. سونداي-اق قىرعىزستان سىرتقى ىستەر ءمينيسترى ەرلان ابدىلدايەۆپەن كەزدەسۋ جوسپارلانعان.
