ۇلى وتان سوعىسىنىڭ باتىرلارى: ماحمەت قايىربايەۆ
ماحمەت قايىربايەۆ 1925-جىلى قاڭتاردىڭ 1 ءى كۇنى شىعىس قازاقستان وبلىسى بەسقاراعاي اۋدانى سەمياركا سەلوسىندا دۇنيە ەسىگىن اشىپ، 1996-جىلى پاۆلودار قالاسىندا ومىردەن وتكەن. ەكىنشى دۇنيە جۇزىلىك سوعىسقا قاتىسۋشى، اعا لەيتەنانت، ارتيللەريا كومانديرى.
قازاق بالاسى مەكتەپتەن كەيىن پاۆلودار پەداگوگيكالىق ۋچيليشەسىن ءبىتىردى. سوعىس باستالعانعا دەيىن سەمياركا سەلوسىنداعى مەكتەپتە ءمۇعالىم بولدى. كەڭەس اسكەرى قاتارىنا 1942-جىلى تامىزدا شاقىرىلىپ، ارتيللەريا ۋچيليشەسىنە جىبەرىلدى. ۇلى وتان سوعىسىنا 1943-جىلدان باستاپ قاتىستى. 17- تانكىگە قارسى اتاتىن ارتيللەريالىق جەكە بريگادانىڭ قۇرامىندا بولعان.
قايىربايەۆ 18 جاسىندا الەكساندر نيەۆسكي وردەنىنىڭ يەگەرى اتاندى. 1944-جىلدىڭ 19- تامىزىندا ليتۆاداعى شياۋلياي قالاسىنىڭ باتىس جاعىندا بولعان ۇرىستا جاۋ اسكەرى تانكىمەن شابۋىلعا شىعىپ، كەڭەس اسكەرى قورعانىسىن بۇزا جارىپ، شياۋلياي قالاسىنا كىرۋگە ۇمتىلدى. قايىربايەۆ ءوزىنىڭ 15 جاۋىنگەرىمەن قورشاۋدا قالىپ، شايقاسىپ جاتقان پولك باتارەيالارىنىڭ بىرىنە كومەككە كەلدى. قايىربايەۆتىڭ باسشىلىعىمەن جاۋىنگەرلەر جاۋدىڭ 7 شابۋىلىنا تويتارىس بەرىپ، ءبىر باتالون اسكەرىن جويدى. كەسكىلەسكەن وسى شايقاستا ەرجۇرەك قايىربايەۆ باستاعان جاۋىنگەرلەر شياۋلياي قالاسىنا وتەر جولدى جاپتى. قايىربايەۆقا كورسەتكەن ەرلىگى مەن تاپقىرلىعى ءۇشىن ك س ر و جوعارعى كەڭەسى ءتورالقاسىنىڭ جارلىعىمەن كەڭەس وداعىنىڭ باتىرى اتاعى بەرىلدى (24.3.1945).
سوعىستان كەيىن ول پاۆلودار وبلىسىندا پارتيا قىزمەتىندە بولدى. تىڭ جەرلەردى يگەرۋدەگى ەڭبەگى ءۇشىن ەكى رەت قىزىل تۋ وردەنىمەن جانە مەدالدارمەن ماراپاتتالدى.
