قىتايدىڭ اق وليمپيادادان ءۇمىتتى قالاسى كۇن ساۋلەسىنەن قۋات الاتىن باتارەيا ورناتۋدا
تاۋلى ايماقتا ورنالاسقان قالاعا جەرگىلىكتى بيلىك جاسىل ەنەرگيا، ياعني كۇن ساۋلەسىنەن قۋات الاتىن باتارەيا ورناتا باستادى. وسى ارقىلى بەيجىڭ بيلىگى اق ويىندارعا تالاس بارىسىندا ەكولوگيانى جاقسارتۋ جۇمىستارىنا كىرىسكەنىن كورسەتۋدە.
بۇل - جاڭجياكوۋ قالاسىنا قارايتىن جيجياجۋان اۋىلى. مۇندا 30 ءۇي بۇگىندە كۇن ساۋلەسىنەن قۋات الىپ وتىر.
جيان شياوچىن، YINGLI SOLAR جوبا مەنەدجەرى:
- سىيىمدىلىعى 2 مىڭ كيلوۆاتت بولاتىن كۇن باتارەيالارىن ءبىز ءار ۇيگە تەگىن ورناتتىق. ءبىر كيلوۆاتتىڭ قۇنى 0,2 يۋان بولادى.
بۇل «فوتوەلەكترلىك ءدالىز» دەگەن جوبا اياسىندا جۇزەگى اسقان. ول بويىنشا بەيجىڭنەن جاڭجياكوۋعا دەيىنگى جول بويىنا كۇننەن قۋات الاتىن ەلەكتر ستانسالارى ورناتىلۋى ءتيىس. مۇنداي ءاربىر ستانسا جىلىنا 15 مىڭ توننا كومىردى جاقپاۋعا مۇمكىندىك بەرەدى. جەرگىلىكتى بيلىكتىڭ ايتۋىنشا، جاڭجياكوۋ - جاسىل تەحنولوگيانى دامىتۋعا تاپتىرمايتىن جەر. ۇنەمى سوعاتىن جەلدىڭ دە كۇشىن ءتيىمدى پايدالانۋدا.
ال بۇدان بىلاي تۇرعىندار كوشەدە ءجۇرىپ-اق كۇن ساۋلەسى ارقىلى قول تەلەفوندارىن قۋاتتاي الادى.
لي شۋنجيان، YINGLI SOLAR جوبا مەنەدجەرى:
- جارناما تاقتايشالارىنا ەكى كۇن باتارەياسى ورناتىلعان. ال ونىڭ ارتىندا بارلىق تەلەفونعا كەلەتىن كابەلدەر مەن USB- تەسىك بار. كەرەك كەزدە تەلەفوندى قۋاتقا قوسىپ قوياسىز. 2022 -جىلعى ويىنداردى وتكىزۋگە ءۇمىتتى جاڭجياكوۋ قالاسى باسقا دا جاسىل ەنەرگيا كوزدەرىن دامىتپاق. ونىڭ ىشىندە تازارتىلعان كومىر مەن بيوماسسا ءوندىرۋدى قولعا الماقشى.
www.24.kz
