دونورلىق داۋ تۋدىرۋدا

استانا. قازاقپارات - فرانسيا ۇكىمەتى زاڭعا قازا تاپقان ادامنىڭ ورگاندارىن تۋىستارىنىڭ كەلىسىمىنسىز دونورلىققا بەرۋ وزگەرىسىن ەنگىزۋدى ۇسىنىپ وتىر.

بۇل ۇسىنىس ەلدەگى ساياسي ورتادا ۇلكەن داۋ تۋعىزدى. قازىر دارىگەرلەر مارقۇمنىڭ تۋىستارىنان رۇقسات الۋ كەرەك.

 ەندى دەنساۋلىق ساقتاۋ مينيسترلىگى ولاردىڭ كەلىسىمىن سۇراماي، ۇلتتىق رەەسترگە نەگىزدەۋدى قاراستىرىپ وتىر. ۇلتتىق رەەسترگە ءار ادام ءتىرى كەزىندە جازىلا الادى. بۇگىندە بۇل تىزىمدە 100 مىڭ ازامات بار. ال فرانسيادا تۇرىپ جاتقان حالىق سانى -  66 ميلليون. تۋىستار ءوز كەلىسىمىن بەرمەيتىن جاعدايلار ءجيى كەزدەسەدى. 20 جىل بۇرىن ءاربىر ونىنشى، قازىر ۇشتەن ءبىر ازامات تۋىسىنىڭ ورگاندارىن دونورلىققا بەرگىسى كەلمەيدى.

سوتسياليستىك ۇكىمەت زاڭعا ەنگىزىلگەن مۇنداي وزگەرىس ورگان دونورلىعى تۇيىتكىلىن تۇپكىلىكتى شەشەدى دەپ سانايدى. الايدا پارلامەنتتەگى نيكوليا ساركوزيدىڭ وپپوزيسيالىق پارتياسى بۇل ۇسىنىسقا تەگەۋرىندى قارسىلىق تانىتىپ وتىر.

ايتا كەتسەك، ساركوزيدىڭ پارتياسى جەرگىلىكتى دەپارتامەنتتەردە سايلاۋ وتكەندە ءبىراز ادامنىڭ قولداۋىنا يە بولدى.

مەن مارقۇمنىڭ ورگاندارىن ونىڭ تۋىستارىنىڭ كەلىسىمىنسىز باسقا ادامعا ترانسپلانتاتسيالاۋدى دۇرىس ەمەس دەپ ويلايمىن. ەلدەگى قازىرگى مەديسينالىق جاعداي ماعان بەلگىلى. كوپ ادام بۇعان رۇقساتىن بەرە قويمايدى.

سوندىقتان بۇل ماسەلە باسقا شەشىمىن تابۋ كەرەك. ەگەر ازامات ۇلتتىق باس تارتۋ رەەسترىنە تىركەلمەسە، ول دونور بولۋعا كەلىسىمىن بەردى دەپ ەسەپتەۋگە بولمايدى»، - دەيدى فرانسيانىڭ ۇلتتىق اسسامبلەياسىنىڭ دەپۋتاتى ارنو روبينە.

 BNews.kz