قىتايدا قۇمار ويىنداردىڭ ءىرى ونلاين جەلىسى اشكەرەلەندى

بەيجىڭ. قازاقپارات - گۋاڭدۇڭ پروۆينتسياسىنىڭ قۇقىق قورعاۋ ورگاندارى ەل تاريحىنداعى قۇمار ويىنداردىڭ ءىرى ونلاين جەلىسىن ۇيىمداستىرۋشىلاردى ۇستادى، دەپ حابارلادى «شينحۋا» اگەنتتىگى.

جۇرگىزىلگەن ارنايى شارا ناتيجەسىندە پوليتسيا 1071 ادامدى ۇستاپ، جالپى سوماسى 330 ميلليون يۋاندى (52,8 ميلليون دوللار) قۇرايتىن بانك شوتتارىنا تىيىم سالدى. ۇستالعانداردىڭ 15 ى - ونلاين قۇمار ويىندارىنىڭ باعدارلامالارىن ۇيىمداستىرعاندار. ءبىر مىڭنان استام تۇلعا ويىنداردى جالعا الىپ، عالامتوردا ءوز ويىن الاڭىن قۇرعاندار.

قازىرگى ۋاقىتتا 570 ادام قاماۋدا وتىر.

ۇيمداسقان قىلمىستىق توپ شامامەن 200 قۇمار ويىندار سايتىن قۇرعان. كوپشىلىگى تايلاند سەرۆەرلەرىندە ورنالاستىرىلدى. ءار سايت اي سايىن شامامەن 70-100 مىڭ يۋان تابىس اكەلگەن.

2014 -جىلدىڭ جەلتوقسان ايىندا عانا قۇمار ويىنداردىڭ ونلاين جەلىسىنە كىرگەندەر 9 ميلليارد يۋانعا جۋىق اقشاسىنان ۇتىلعان.

پوليتسەيلەردىڭ ايتۋىنشا، اتالعان قاراجاتتىڭ كوپ بولىگىنە توقتاۋ سالىنبادى. ويتكەنى ترانزاكسيا قولما-قول اقشامەن جانە زاڭسىز جەكە بانكتەر ارقىلى جۇرگىزىلگەن.