تۇيە ءسۇتىن ۇنتاق تۇرىندە شىعاراتىن كاسىپورىن ىسكە قوسىلادى

قىزىلوردا. قازاقپارات - ناۋرىزدىڭ سوڭىندا قۇرامىندا وبلىستىق اۋىلشارۋاشىلىعى باسقارماسى باسشىسىنىڭ ورىنباسارى جانە 5 شارۋاشىلىق ءتوراعالارى بار قىزىلوردالىق دەلەگاتتار قىتاي حالىق رەسپۋبليكاسى سۋار پروۆينسياسىنىڭ ورتالىعى ءۇرىمجى قالاسىندا وتكەن II حالىقارالىق ەۋرازيالىق اۋىلشارۋاشىلىعى تەحنولوگيالارى مەن جابدىقتارىنىڭ كورمە سەمينارىنا جانە I حالىقارالىق اۋىلشارۋاشىلىعى ونىمدەرىنىڭ جارمەڭكەسىنە قاتىسىپ قايتتى.

بۇل تۋرالى وبلىستىق اۋىلشارۋاشىلىعى باسقارماسىنىڭ باسپا ءسوز قىزمەتىنەن حابارلادى.

كورمە اياسىندا ەكىجاقتى كەلىسىمشارتتارعا قول قويىلىپ، قىتاي ەلىمەن كورمەگە قاتىسۋشى ەلدەردىڭ كومپانيالارى اراسىندا ىسكەرلىك كەلىسىمگە كەلۋى ارقىلى نيەت ءبىلدىرۋ شارالارى وتكىزىلدى.

بۇل شارا بارىسىندا سۋار پروۆينتسياسىنىڭ «حينحۋا سكاي كامەل بيولوگي تەحنولوگي ديەۆولوپمەنت ل ت د» كومپانياسىمەن قىزىلوردا وبلىستىق اۋىلشارۋاشىلىعى باسقارماسى اراسىندا تۇيە ءسۇتىن ۇنتاق كۇيىندە قاپتامادا شىعارۋ جونىندە بىرىككەن كاسىپورىن اشۋ جونىندە نيەت ءبىلدىرۋ حاتتاماسىنا قول قويىلدى.

الداعى ۋاقىتتا وسى باعىتتا جۇمىس جاسايتىن شارۋاشىلىقتارمەن تولىق بيزنەس- جوسپار ازىرلەنىپ، ەكى ەل اراسىنداعى ىنتىماقتاستىق كۇشەيەتىن بولادى.

اۆتور: ەلۋباي اۋەزوۆ