دەپۋتات استانادا بىتپەي جاتقان قۇرىلىس كەستەسىن توسەگىنىڭ ۇستىنە ءىلىپ قويماق
بۇل تۋرالى Today.kz-كە سىلتەمە جاساپ NUR. KZ حابارلايدى.
« АSI ينۆەستيتسيالىق قۇرىلىس كومپانياسىنىڭ» ديرەكتورى سەرگەي كوتلياروۆ ۇلەسكەرلەر مەن پارلامەنت ءماجىلىسىنىڭ دەپۋتاتى تاڭىربەرگەن بەردىوڭعاروۆپەن كەزدەسۋ بارىسىندا قۇرىلىس اياقتالاتىنىنا سەندىردى.
كەلىسىمشارت تالاپتارى بويىنشا قۇرىلىسقا قارجى سالعاندارعا پاتەرلەرى 2013 - جىلى بەرىلۋى ءتيىس بولعان.
«سودان بەرى قۇرىلىستىڭ اياقتالۋ مەرزىمىن ءۇش رەت كەيىنگە شەگەردى»، - دەپ ەسكەرتتى ىنتالى توپتىڭ مۇشەسى ايبەك سلامبەكوۆ.
كەلىسسوز بارىسىندا تاراپتار پاتەرلەردى بەرۋدىڭ جاڭارتىلعان كەستەسى بار قوسىمشا كەلىسىم جاسايتىن بولدى.
«قۇرىلىستى سالۋشى تاراپ بۇدان ءارى مەرزىمدى اۋىستىرماي، ناقتى كەستەمەن ۋاقىتىلى قۇرىلىستى وتكىزبەگەن جاعدايدا قارجىلىق سانكسيالار تاعايىندالادى»، - دەپ مالىمدەدى دەپۋتات بەردىوڭعاروۆ.
«ءوز كەزەگىندە، مەن بۇل قۇرىلىستى سالۋشىلاردىڭ جۇمىسىن باقىلاۋدا ۇستاپ، ءتىپتى قۇرىلىس كەستەسىن ءوز توسەگىمنىڭ ۇستىنە ءىلىپ قويامىن»، - دەپ ءسوز بەردى دەپۋتات.
دەرەككوز: NUR. KZ
