ورال ترانسفورماتور زاۋىتى ونىمدەرىن ەۋرازيالىق وداق ەلدەرىنە ەكسپورتتاۋعا بارلىق مۇمكىندىكتەرى بار - ەلباسى - فوتو

ورال. قازاقپارات - مەملەكەت باسشىسى نۇرسۇلتان نازاربايەۆ باتىس قازاقستان وبلىسىنا جۇمىس ساپارى بارىسىندا «ورال ترانسفورماتور زاۋىتى» ج ش س- دا بولدى.

جاڭا ءوندىرىس ورنىنا ات باسىن تىرەگەن ەلباسىن زاۋىت قۇرىلتايشىسى سايدوللا قوجابايەۆ قۋاتتى ترانسفورماتورلاردى ازىرلەۋ بارىسىمەن جانە دايىن ونىمدەرمەن تانىستىردى.

نۇرسۇلتان نازاربايەۆ سونداي-اق ەڭبەك ۇجىمىمەن اڭگىمەلەستى. قازاقستان پرەزيدەنتى مەملەكەت كورسەتكەن قولداۋدىڭ ارقاسىندا كاسىپورىن قالپىنا كەلتىرىلگەنىن جانە بۇگىندە ودان ءارى دامۋعا دايىن، ونىمدەرىن ەۋرازيالىق ەكونوميكالىق وداق ەلدەرىنە ەكسپورتتاۋعا بارلىق مۇمكىندىكتەرى بار ەكەنىن اتاپ كورسەتتى.

ەلباسىنىڭ اتاپ وتكەنىندەي، مەملەكەتتىڭ قولداۋى ارقاسىندا كوپتەگەن ءوندىرىس ورىندارى قايتا تۇلەدى. ءتورت جىلدا 700 زاۋىت ىسكە قوسىلدى. بيىلعى جىلدىڭ وزىندە 75 زاۋىت پايدالانۋعا بەرىلىپ، 25 مىڭ ادامعا جۇمىس ورنى اشىلادى. وسىنىڭ ءبارى - ەل بىرلىگىنىڭ ارقاسى. الداعى ۋاقىتتا دا ۇلكەن- ۇلكەن زاۋىتتار سالىناتىن بولادى.

كەزدەسۋ بارىسىندا زاۋىت ۇجىمى اتىنان «ورال ترانسفورماتور زاۋىتى» ج ش س باسقارۋشى ديرەكتورى اسقار اجايەۆ يندۋستريالاندىرۋ بارىسى جونىندە حاباردار ەتسە، زاۋىت وراۋشىسى، ورىس قىزى دانيا كنيازيەۆا قازاق تىلىندە ەلىمىزدە سان ۇلت وكىلدەرى تىزە قوسىپ، ەڭبەك ەتىپ، تاتۋ-ءتاتتى تۇرىپ جاتقانىن اتاپ ءوتتى.

 زاۋىت جۇمىسشىلارى يندۋسترياللىق ساياسات ءىس جۇزىنە اسىرىلىپ جاتقانىن ايتتى، مەملەكەتتىڭ حالىقتىڭ ءال- اۋقاتىن ارتتىرۋعا باعىتتالعان كۇش-جىگەرى، ەلدەگى تۇراقتىلىققتىڭ قامتاماسىز ەتىلىپ وتىرعانى ءۇشىن العىس ايتتى.

ايتا كەتەيىك، يندۋستريالاندىرۋ كارتاسى اياسىندا ورالدىق زاۋىتتا كەرنەۋى 6-10 ك ۆ قۋاتتى ترانسفورماتورلار ءوندىرىسى جولعا قويىلدى. جوبا قۇنى - 3,1 ميلليارد تەڭگە، ونىڭ 500 ميلليون تەڭگەسى كاسىپورىننىڭ ءوز ەسەبىنەن بولسا، 2,6 ميلليارد تەڭگەسى - زايىمدىق قارجى. «بيزنەستىڭ جول كارتاسى - 2020» باعدارلاماسى اياسىندا مەملەكەتتىك قولداۋعا يە بولعان جوبانىڭ باستاپقى كەزەڭىندە 300 جاڭا جۇمىس ورنى اشىلدى. 17,3 ميلليون تەڭگەگە گاز تارتۋ جۇمىستارى جۇرگىزىلدى.

زاۋىت جىلىنا 10 مىڭ دانا ترانسفورماتور شىعارا الادى. ءوندىرىس قۋاتى ەلەكتر تەحنيكالىق ونىمدەردى مولىنان جونەلتۋگە مۇمكىندىك بەرەدى. زاۋىت دايىندايتىن ەلەكتر ماشينالارىنىڭ 90 پايىزدايى رەسەيگە ەكسپورتتالادى.

ءسويتىپ كورشى ەلدىڭ نارىعىنا دەندەپ ەنىپ، شەكارالاس ايماقتاردىڭ سۇرانىسىن قاناعاتتاندىرۋعا ابدەن بولادى. مۇنىڭ ءورىسىن كەڭەيتۋمەن رەسەيلىك كومپانيالاردىڭ ديلەرلىك جۇيەسى اينالىسادى. 2016-2017 -جىلدارى زاۋىت تولىق قۋاتىنا كوشكەندە، ءوندىرىس كولەمى 100 ميلليون دوللارعا جەتپەك.

 

اۆتور: ەلجان ەرالى