08:34, 02 - ءساۋىر 2015 | GMT +5
رەسەي كونسۋلدىعىنىڭ عيماراتىنا وق جاۋدى
استانا. قازاقپارات - ساۋد ارابياسىنىڭ جەتەكشىلىگىمەن يەمەندەگى كوتەرىسشىلەرگە قارسى قۇرىلعان كواليتسيا كۇشتەرىنىڭ اسكەري-ءىس قيمىلى كەزىندە ادەندەگى رەسەي كونسۋلدىعى عيماراتىنا وق جاۋدى، دەپ حابارلادى BBC.
«ر ي ا نوۆوستي-ءدىڭ» حابارلاۋىنشا، اتقىلاعان وقتان كونسۋلدىق عيماراتىنىڭ ءبۇتىن تەرەزەسى قالماعان. ال رەسەيلىك ديپلوماتتار قازىرگى ۋاقىتتا باس كونسۋلدىقتى قاۋىپسىز جەرگە كوشىرۋ قامىنا كىرىسكەن.
جەرگىلىكتى ب ا ق كوتەرىلىسشى- حۋسيتتەردىڭ تانكىلەرى قالا ورتاسىندا ەكەنىن حابارلادى.
ەسكە سالا كەتەيىك، ساۋد ارابياسى جانە پارسى شىعاناعىنىڭ وزگە دە ەلدەرى قارۋلى كۇشتەرىنەن قۇرىلعان كواليتسيا يەمەن زاڭدى پرەزيدەنتى مانسۋر حاديدىڭ بيلىگىن ساقتاپ قالۋ ءۇشىن كوتەرىلىسشى-حۋسيدتەرگە قارسى «شەشىمدى داۋىل» وپەراتسياسىن جۇزەگە اسىرىپ جاتقانىنا ءبىر اپتا بولدى.
