رەسەي مەن قىتاي دوللارعا قارسى بىرىكتى
«قىتايدىڭ باستاماسىمەن قۇرىلعان جاڭا ۇيىم بەيجىڭنىڭ حالىقارالىق دەڭگەيدەگى ىقپالىن ارتتىرىپ، يۋاندى حالىقارالىق ۆاليۋتا رەتىندە بەكىتىپ الۋىنا كومەكتەسەتىن بولادى»، - دەلىنگەن باسىلىم حابارلاماسىندا. «رەسەي قىتايدىڭ باستاماسىمەن قۇرىلعان ازيا ينفراقۇرىلىمدىق ينۆەستيتسيا بانكىنە (AIIB) كىرۋگە شەشىم قابىلدادى»، - دەپ جازدى نەمىس گازەتى.
مۇنى باسىلىم ر ف ءبىرىنشى ۆيتسە-پرەمەرى يگور شۋۆالوۆتىڭ سوزىنە سىلتەمە جاساپ مالىمدەدى. «ءبىز قىتاي - ەۋرازيالىق وداعى فورماتىنداعى ىنتىماقتاستىعىمىزدى ايماقتىق ءوزارا قارىم-قاتىناس شەڭبەرىندە ودان دامىتۋ مۇمكىندىگىنىڭ جاسالعانىنا قۋانىشتىمىز، - دەدى رەسەي وكىلى.
- ەۋرازيا ەكونوميكالىق وداعى شەڭبەرىندە تاۋار مەن كاپيتالدىڭ ەركىن قوزعالىسى «جىبەك جولى ەكونوميكالىق بەلدەۋى» باستاماسىمەن ۇندەسىپ كەتەدى». «بۇدان بۇرىن بۇل قۇرىلىمعا كىرۋگە ۇلى بريتانيا، فرانسيا، گەرمانيا جانە شۆەيتساريا كىرۋگە تىلەك ءبىلدىردى»، - دەپ جازادى گازەت.
قازىر ەۋرووداق ەلدەرى بانكتىڭ ەۋروپاداعى فيليالىنىڭ ءوز ەلدەرىندە اشىلۋى ءۇشىن قىتايدىڭ ىقىلاسىنا بولەنۋ جولىندا ءوزارا جارىسىپ جاتىر. AIIB بەيجىڭگە ءوزىنىڭ حالىقارالىق اۋقىمداعى ىقپالىن ارتتىرا تۇسۋگە كومەكتەسەتىن بولادى. ال قىتايدىڭ جاھاندىق ىقپال ەتۋ ساياساتى اسكەري ءىس-قيمىل سيپاتىندا ەمەس، بەلسەندى ساۋدا ارقىلى جاسالۋعا نەگىزدەلگەن. وسى وراي بۇل ەل ءوز ۆاليۋتاسى - يۋاندى ا ق ش- تىڭ ۆاليۋتاسىنا بالاما ەتۋگە كۇش سالىپ جاتىر. «AIIB بۇكىل الەمدىك بانك پەن حالىقارالىق ۆاليۋتا قورىن باسەكەلەس رەتىندە قاراستىرادى»، - دەپ جازادى Deutsche Wirtschafts Nachrichten.
سوڭعى جىلدارى بۇل ۇيىمداردىڭ اتتارىنا حالىقارالىق دەڭگەيدەگى سىن-ەسكەرتپەلەر از ايتىلىپ جۇرگەن جوق. ولارعا ءتىپتى «وزدەرىنىڭ ءىس-ارەكەتتەرىن ا ق ش- تىڭ سىرتقى ساياساتىنا باعىت ۇستايدى» دەگەن دە ايىپ تاعىلۋدا. ال ا ق ش AIIB- عا قارسى تەكەتىرەستە قازىر جاپونيانىڭ عانا قولداۋىن الىپ وتىر.
بۇدان بۇرىن توكيو قىتايدىڭ قانداي دا ءبىر باستاماسىنا قاتىسا قويمايتىنىن مالىمدەگەن بولاتىن. «ا ق ش پەن قىتاي بولسا، ءبىرازدان بەرى ازيا-تىنىق مۇحيت ايماعىندا ەكونوميكالىق جانە ساياسي ۇستەمدىككە جەتۋ جولىندا تالاسىپ كەلەدى»، - دەپ اتاپ وتەدى نەمىس باسىلىمى. مۇرات ايتقوجا
egemen.kz
